LAJMI I FUNDIT:

Shkup, “Shoqëria kancerogjene” kërkoi mbledhje urgjente qeveritare për ajrin e ndotur

Shkup, “Shoqëria kancerogjene” kërkoi mbledhje urgjente qeveritare për ajrin e ndotur

Shoqata “Shoqëria kancerogjene” sot përsëri ashtu sikurse javën e kaluar organizoi protestë para Kuvendit të Republikës së Maqedonisë për t’i alarmuar institucionet kompetente për ndotjen e ajrit dhe pasojat dhe pasojat e dëmshme të këtij fenomeni. Kristijan Uzunov nga kjo shoqatë tha se nëse pushteti aktual nuk cakton mbledhje urgjente, do t’i radikalizojnë protestat dhe do ta bllokojnë komunikacionin në shtet.

“Shohim se autoritete nuk janë shumë të interesuar për kërkesat tona. Edhe një herë theksojmë, nëse nuk thirrin mbledhje urgjente në qeveri, nëse nuk i shfrytëzojnë të gjitha mjetet në disponim për menaxhimin e këtij problemi dhe nëse nuk e marrin seriozisht, do të duhet t’i radikalizojmë protestat me bllokime. Kërkojmë nga ministri dhe zëvendës-ministri për Mjedis Jetësor që secilën ditë të japin llogari se çfarë kanë punuar në këtë drejtin”, tha Uzunov, përcjell Telegrafi Maqedoni.

Qyteti i Shkupit i treti për nga ndotja e ajrit në botë (Foto)
Lexo po ashtu Qyteti i Shkupit i treti për nga ndotja e ajrit në botë (Foto)

Dragi Zmijanac nga ambasada e fëmijëve “Megjashi” deklaroi se pushteti, ndërmarrjet publike dhe të gjithë ata që, siç tha i, kanë funksione të fuqishme politike, nuk janë të interesuar ta zgjidhin problemin e ajrit të ndotur dhe pasojat që i durojnë fëmijët.

“Si ambasadë e fëmijëve ‘Megjashi’ do t’i përkrahim të gjitha nismat qytetare që duan të bëjnë presion dhe ndryshim. Spitalet janë të mbushura me fëmijë, secili fëmijë i dytë ka probleme me frymëmarje”, tha mes tjerash Zmijanac.

Organizatorët e protestë e përshëndetën bllokimin e djeshëm para hyrjes së deponisë “Drislla” nga aktivitët e nismës “Ajër të pastër” dhe mbështesin afatin që ua dhanë institucioneve për 15 ditë të përgjigjen ndaj kërkesave të tyre. Ata i përkrahën edhe nxënësit e shkollave të mesme që njoftuan protestë më 5 shkurt para secilës shkollë të mesme për mjedis të shëndoshë dhe të pastër./Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori