Shkolla Finlandeze ofron 20 bursa për klasët 5-9

Për të gjithë prindërit e interesuar rreth shkollimit të fëmijëve të tyre në një ambient ndërkombëtar dhe inovativ të mësimnxënies me metodologjinë më moderne të arsimit në botë, atë Finlandeze, Shkolla Finlandeze, së fundmi e pasqyruar në CNN si një nga shkollat më inovative në botë, shpall të hapur konkursin për 20 bursa për nxënësit e klasave 5-9 në vlerë prej 20% deri në 50%.

Për të aplikuar për bursë nxënësit do të hyjnë në një provim pranues në gjuhën angleze i cili zgjat rreth 1 orë e gjysmë. Fëmija duhet të sjell me veti pajisjen elektronike (iPad apo laptop) për të përfunduar testin. Për të caktuar kohën dhe datën e testimit të fëmijës suaj, ju lutemi klikoni në KËTË LINK.

Aplikimi mbetet i hapur deri më 15 gusht dhe vendet janë të limituara.

Sot, modeli arsimor finlandez udhëheq në botë si sistemi më i mirë arsimor për shkak të dallimit nga modelet tradicionale të arsimit dhe aplikimit të teknologjive dhe metodologjive më të avancuara dhe moderne të arsimit. Inspiruar nga sistemi i arsimit finlandez, i cilësuar si “mrekulli e arsimit” nga Banka Botërore, Shkolla Finlandeze aplikon metodat më inovative dhe moderne të mësimdhënies në edukimin e nxënësve dhe rritjen e tyre intelektuale, emocionale, dhe shoqërore.

Me sistemin numër 1 në botë për edukim; me mësimdhënës të shkëlqyeshëm finlandez dhe ndërkombëtarë; me teknologji të avancuar dhe iPad edukativ për secilin nxënës; me mësimin e bazuar në fenomene e lojra, dhe jo vetëm lëndë; dhe me qasjen krejt ndryshe të të mësuarit dhe zhvillimit të shkathtësive të shekullit 21 tek fëmijët, Shkolla Finlandeze në Kosovë është shkolla ndërkombëtare më inovative në vend me sistemin arsimor më të avancuar në Kosovë.

Për më shumë informata mund të kontaktoni në:

Tel: 045 235 650

Facebook: Shkolla Finlandeze