Shkencëtarët japin alarmin: Arinjtë polarë kanë nisur të hanë njëri-tjetrin

Një fenomen po bëhet më i zakonshëm në Arktik, me shfaqjen e kanibalizmit midis arinjve polarë.

Ndryshimet klimatike dhe shfrytëzimi i karburanteve fosile në zonë përmenden si arsye.

Së bashku me ngrohjen globale, coronavirusin që po pushton Evropën dhe ngjarje të ndryshme politike, ekziston një fenomen i tmerrshëm që prek speciet e kafshëve dhe i drejton ata në kanibalizëm, thonë studiuesit rusë.

Shkrirja e akullit të shkaktuar nga ngrohja globale, por edhe nga shtimi i numrit të kompanive në Arktik, privon arinjtë polarë nga mundësia për gjueti, kështu që ata detyrohen të kthehen në kanibalizëm duke sulmuar këlyshët e tyre.

“Rastet e kanibalizmit tek arinjtë polarë rrallëherë ishin njohur për shkencëtarët më parë. Burimi i shqetësimeve tona është se kanibalizmi është bërë aq i zakonshëm tani sa që arinjtë po sulmojnë edhe femrat me bebe”, tha shkencëtari Ilya Mordvincev nga Instituti Severcov, duke shtuar se shkaku i këtyre sulmeve është mungesa e ushqimit të shkaktuar nga faktori njeri.

Mungesa e akullit zvogëlon numrin e fokave me të cilat ushqehen arinjtë.

Cannibalism on the rise among polar bears as melting ice and human activity erode their habitat, say Russian scientistshttps://t.co/Yd8boeRhme pic.twitter.com/5NcW9Mffu9

— AFP news agency (@AFP) February 27, 2020

Shkencëtarët kanë konfirmuar se arinjtë, pasi vrasin anëtarët e specieve të tyre, mbulojnë trupat e tyre me borë dhe akull, në mënyrë që ta përdorin përsëri në të ardhmen.

Arinjtë polarë janë specie që ka një shkallë të ulët riprodhimi gjatë dimrit. /kp/Telegrafi/