Shkëmbim zjarri në hotelin e Trump, policia e Floridas publikon pamjet e sulmit me armë (Video)

Policia e Floridës ka publikuar pamjet dramatike të përballjes së policisë me një burrë që ishte futur në “Trump National Golf Club Doral” të premten.

Sipas mediave të huaja, përcjell Telegrafi, i dyshuari Jonathan Oddi, 42 vjeç, njoftohet se hyri në hollin e hotelit dhe filloi të bënte thirrje anti-Trump përpara se të hapte zjarr – patronët e tmerruar dhe punonjësit e hotelit ikën menjëherë.

Siç bëhet e ditur, ngjarja rrodhi pasi zyrtarët nga qyteti i Doral dhe Departamentet e Policisë Miami-Dade iu përgjigjën thirrjeve të shumta.

Siç tregojnë pamjet nga vendi i ngjarjes, oficerët hynë në hotel dhe shpejt neutralizuan të dyshuarin.

Oddi u qëllua nga shkëmbimi i të shtënave dhe më pas u çarmatos para se të dërgohej në Qendrën Rajonale të Traumës Kendall.

Pasi u trajtua, ai u transferua në zyrën e vrasjeve të Miami-Dade për marrjen në pyetje, pas së cilës ai u dërgua në Qendrën Korrektuese Knight Turner Guilford, sipas një deklarate të policisë.

Oddi u paraqit në gjykatë të hënën dhe përballet me pesë akuza.

Një oficer mbajti një thyerje të mundshme të duarve në këtë incident. Asnjë punonjës apo klient i hotelit nuk u plagosën gjatë sulmit. /Telegrafi/