Nuanca e re bakër që aktorja solli në tapetin e kuq ndriçon në mënyrë perfekte ditët e dimrit 2025
Kur Julia Roberts parakaloi në tapetin e kuq të Cipriani Wall Street gjatë ndarjes së çmimeve Gotham Awards, ajo solli shumë më tepër sesa sharmin e saj të njohur dhe kostumin e qepur në mënyrë perfekte, me të cilin theksoi stilin e saj specifik të kultivuar prej vitesh. Aktorja prezantoi një nuancë të re, rrezatuese të flokëve, e cila u shndërrua menjëherë në një nga momentet më të spikatura të bukurisë së mbrëmjes.
Ngjyra e saj e re duket si një zgjedhje e menduar me kujdes, një pikë drite në ditët e errëta të dimrit. Koloristja e saj, Kadi Lee, thotë se pikërisht ky kontrast sezonal ishte qëllimi.
“Ndërsa ditët bëhen më të ftohta dhe më të errëta, flokët duhet të shkojnë në drejtimin e kundërt dhe të anojnë nga tonet më diellore, më të pasura dhe më vibrante, për ta kompensuar këtë ndryshim”, shpjegon Lee. “Ngrohtësia është faktori kyç dhe i shkon çdo toni të lëkurës.”
Nuanca e re e Julia Roberts, bakër i artë, përfaqëson një largim të lehtë, por të dukshëm, nga pamja e saj karakteristike brune. Efekti nën dritat e tapetit të kuq ishte pa dyshim rrezatues. “Kjo nuancë më e çelët, veçanërisht në majat e flokëve, sjell shkëlqim dhe freski”, thotë Lee.
E kombinuar me onde të buta dhe stilizim të thjeshtë, pamja dukej moderne, e ngrohtë dhe me një dozë glamuri diskret, perfekte për dimrin 2025.
/Telegrafi/
