Shikoni kalendarin: Dy arsye përse është e rëndësishme të shënoni datën e menstruacioneve tuaja të fundit

Kohën e ciklit llogariteni nga dita e parë e menstruacioneve të fundit deri te dita e parë e menstruacioneve të reja

Nëse nuk keni shprehi të shënoni ditën e fillimit të menstruacioneve të fundit, do të duhej të fillonit të punonit.

Domethënë, data kur ju fillon cikli është më e rëndësishme se sa keni menduar, sepse mund të shërbejë si orientim te shumë telashe shëndetësore, por edhe te planifikimi i shtatzënisë, transmeton Telegrafi.

Ja disa probleme në të cilat koha e menstruacioneve tuaja të fundit ndihmon më shumë seç keni menduar.

Keni bërë vetëkontrollin e gjinjve dhe ju ka zënë paniku

Gjinekologu juaj, krahas kontrolleve gjinekologjike, duhet të bëjë edhe kontrollin me dorë të gjinjve gjatë kontrollit sistematik. Kështu që pyetjet lidhur me gjoksin dhe gjëndrat të cilat shfaqen, mund t’ia bëni edhe gjinekologut tuaj…

Keni dhembje në vagjinë

Për atë ekzistojnë një sërë shkaktarësh, edhe cikli menstrual mund të ndihmojë shumë kur është fjala për caktimin e diagnozës. Nëse ndieni dhimbje, ndërsa menstruacioni ju është ndalur, mjeku juaj mund të zbulojë a jeni shtatzënë dhe cili është shkaktari i saktë i dhimbjes.

Por nëse nuk jeni shtatzënë ose nuk ju kanë munguar menstruacionet, mund të jetë shenjë e një kisti ovarian, i cili mund të zbulohet me anë të ultrazërit.

Megjithatë, mund të jetë diçka që nuk ka lidhje me gjinekologjinë. Dhimbja mund të reflektohet në legen, por ka të bëjë me ndonjë pjesë tjetër të trupit.

Lexo po ashtu Si ndryshojnë menstruacionet gjatë viteve tuaja të 20’ta, 30’ta dhe 40’ta

Datat e ciklit menstrual dhe kohëzgjatja e menstruacioneve në gjashtë muajt e fundit janë shumë të rëndësishme nëse planifikoni një shtatzëni.

Kjo është ajo që me siguri do t’ju pyesë mjeku juaj, në mënyrë që t’ju ndihmojë të përcaktoni ditët tuaja pjellore dhe rrjedhimisht periudhën më të mirë në të cilën duhet të përpiqeni të mbeteni shtatzënë. /Telegrafi/