Shikoni çfarë përgatiti nëna për të birin para se të shkonte në kolegj - video është shikuar 75 milionë herë

Largimi nga shtëpia për herë të parë zakonisht është një përvojë emocionuese për fëmijët, ndërsa prindërit këtë moment e përjetojnë me shumë emocione të përziera. Prandaj, shumë prej tyre duan ta shënojnë këtë ndarje në një mënyrë të veçantë. Pikërisht këtë përjetoi Ben, një i ri që po nisej për në universitet.

Në mëngjesin e nisjes së tij, Ben nuk e kishte idenë që nëna e tij po përgatiste një surprizë. Ndërsa ai mendonte se ajo thjesht do ta përshëndeste, ajo prej ditësh po punonte në një projekt të veçantë. Nuk donte që ky moment të mbetej vetëm për të, ndaj vendosi të ftonte edhe të tjerë për ta bërë lamtumirën më të bukur.

Kur erdhi momenti i nisjes, Ben kuptoi çfarë kishte përgatitur nëna e tij. Në vend të një përshëndetjeje të zakonshme, e priti një surprizë që ishte njëkohësisht emocionale dhe argëtuese, duke i kujtuar skena nga filmat vizatimorë që kishte dashur në fëmijëri.

Nëna e tij kishte mbledhur lodrat e tij prej pelushi dhe i kishte radhitur në mënyrë që ta "përcillnin" në rrugën e tij. Ky detaj e bëri largimin e tij për në universitet të paharrueshëm.

Shikuesit në internet reaguan menjëherë me komente prekëse. Disa pranuan se, po të ishin në vendin e tij, do të kishin hequr dorë nga universiteti dhe do të qëndronin në shtëpi, ndërsa të tjerë e krahasuan momentin me lamtumirën e lodrave në filmin "Toy Story".

Videoja mblodhi mbi 18.6 milionë pëlqime dhe mbi 75 milionë shikime. /Telegrafi/