SHGM takohet me ministren Carovska për gazetarët që mbetën tepricë teknologjike nga radiot lokale

Përfaqësues të Shoqatës së gazetarëve të Maqedonisë dhe të Sindikatës të pavarur të gazetarëve dhe punonjësve mediatik sot u takuan me ministren për Punë dhe politikë sociale, Mila Carovska, njofton Telegrafi Maqedoni.

Në këtë takim u diskutua për mundësinë që edhe gazetarët që u shpallën tepricë teknologjike nga radiot e mbyllura lokale, të përfshihen me ndryshimet dhe plotësimet e Ligjit për mbështetje materiale për punëtorët tepricë teknologjike.

Kryetarja e SSNM-së, Tamara Çausidis dhe kryetari i ShGM-së, Naser Selmani e njoftuan ministren Carovska për problemin e pazgjidhur të gazetarëve nga radiot lokale. Çausidis dhe Selmani kërkuan nga Carovska seriozisht të shqyrtojë mundësinë këto kolegë të sigurohen financiarisht dhe me atë të drejtohet një padrejtësi e madhe.

Përfaqësuesi i gazetarëve me status të punëtorit tepricë teknologjike, Lupço Jakimovski, në detaje i shpjegoi ministres për golgotën të cilën e kanë kaluar me kolegët nga viti 2008, kur në mënyrë jotransparente është fshi një paragraf nga neni i Ligjit për radiodifuzion.

Ministrja Carovska tha se tek qeveria ekziston vullnet politik që të zgjidh çështjen e punëtorëve tepricë teknologjike dhe premtoi se shumë seriozisht do ta shqyrtojë kërkesën e SSNM-së dhe ShGM-së dhe së shpejti do t’i lajmërojë për mënyrën e zgjidhjes së statutit të gazetarëve nga radiot e mbyllura. /Telegrafi/