LAJMI I FUNDIT:

SHGM dhe MPB: Të forcohet siguria e gazetarëve për të kryer lirshëm punën në terren

SHGM dhe MPB: Të forcohet siguria e gazetarëve për të kryer lirshëm punën në terren

Sfidat në raportimin dhe dokumentimin e ngjarjeve nga sfera publike në rajonin e Pollogut dhe përmirësimi i komunikimit të gazetarëve me përfaqësuesit e MPB-së, në veçanti me zyrtarët e rinj, ishin temat e takimit të djeshëm i cili u zhvillua në SPB Tetovë.

Gazetarë nga rajoni i Tetovës dhe përfaqësuesit e MPB-së diskutuan hapur për mënyrat se si të përmirësohet puna e gazetarëve dhe se si ata në mënyrë më të sigurt të mund ti kryejnë detyrat e tyre në terren, pa u penguar gjatë procesit.


Bashkëpunimi ndërmjet përfaqësuesve të mediave dhe policisë është i domosdoshëm sidomos kur bëhet fjalë për ngjarje specifike siç janë protestat dhe tubimet publike, vizitat zyrtare dhe protokollare në qytetin e Tetovës por edhe në rastet kur ka pasur shkelje të ndryshme ligjore apo aksidente në hapësirë publike. Në këtë takim pune të pranishmit biseduan për nevojën e respektit të ndërsjellë mes policisë dhe mediave me qëllim të thellimit të mirëkuptimit të ndërsjellë por edhe për të përforcuar sigurinë e gazetarëve dhe kameramanëve.

U konstatua se në të ardhmen duhet më shumë punë dhe trajnime, në veçanti me gjeneratat e reja të zyrtarëve të MPB-së të cilët kanë më pak përvojë në punën e tyre. Në këtë mënyrë në të ardhmen do të parandalohen keqkuptimet por edhe do të përmirësohej respekti i ndërsjellë dhe komunikimi profesional dhe i përgjegjshëm mes policisë dhe mediave, e cila gjithashtu kontribuon në ndërtimin e bashkëpunimit më të fortë mes komunitetit dhe policisë.

Përfaqësues nga SHGM në takim ishin koordinatori i qendrës rajonale në Tetovë, gazetari Urim Hasipi, gazetari Zoran Dimovski, koordinatori i seksionit të kameramanëve nga rajoni i Pollogut, Vedut Osmani, ndërsa nga MPB morën pjesë ndihmës ministri për marrëdhënie me publikun Toni Angelovski si dhe Marjan Josifoski, Amir Dalipi dhe Fatmir Rexhepi nga SPB Tetovë.

Takimi është vazhdim dhe përmirësim i bashkëpunimit të mirë mes përfaqësuesve të SHGM-së dhe MPB-së dhe vazhdë e takimeve të zhvilluara gjatë vitit të kaluar në Shkup, si rezultat i memorandumit të bashkëpunimit të nënshkruar më parë. Në periudhën e ardhshme janë paraparë takime të ngjashme edhe në qendrat tjera rajonale të SHGM-së në Ohër, Manastir, Kumanovë, Shtip dhe Strumicë.

Në trend Lajme

Më shumë
BE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit

BE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit

Lajme
Macron ia konfirmon Kurtit mbështetjen për Kosovën në KiE - kërkon formimin e Asociacionit

Macron ia konfirmon Kurtit mbështetjen për Kosovën në KiE - kërkon formimin e Asociacionit

Lajme
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës

U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës

Lajme
Zgjidhen dekanët e rinj në 14 fakultete të Universitetit të Prishtinës

Zgjidhen dekanët e rinj në 14 fakultete të Universitetit të Prishtinës

Arsim
Osmani: Drafti i statutit të Asociacionit do të dërgohet në Gjykatën Kushtetuese

Osmani: Drafti i statutit të Asociacionit do të dërgohet në Gjykatën Kushtetuese

Lajme

"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza

Lajme
Kalo në kategori