Shefi i BE-së në Kosovë lavdëron FSK-në për ndihmën pas tërmetit në Turqi

Shefi i Zyrës së BE-së në Kosovë, Tomasz Szunyog, ka lavdëruar ekpipën e kërkim shpëtimit të FSK-së, që ndodhen në Turqi pas tërmetit shkatërrues.

Në një shkrim në Twitter, Szunyog shprehet i lumtur që Kosova i ka dalë në ndihmë Turqisë.

“Dua të përshëndes përpjekjet e kërkim-shpëtimit të Forcave të Sigurisë së Kosovës (FSK) në Turqi, gjatë dhjetë ditëve të fundit. Deri më tani ata kanë arritur të shpëtojnë katër jetë, përfshirë dy fëmijë. Krenar që shoh Kosovën duke iu bashkuar BE-së dhe përpjekjeve ndërkombëtare të shpëtimit”, u shpreh ai.

Ekipet e kërkim-shpëtimit të Forcës së Sigurisë së Kosovës që nga mëngjesi i 8 shkurtit, janë duke operuar me kapacitete të plota në Hataj të Turqisë.

Përveç shpëtimit të fëmijës, pak orë më vonë, FSK-ja njoftoi se kanë​ nxjerrë të gjallë nga rrënojat edhe nënën e fëmijës.

Presidenti turk Recep Tayyip Erdogan tha të martën se më shumë se 35 mijë njerëz kanë vdekur në Turqi si pasojë e tërmetit të javës së kaluar, duke e bërë atë fatkeqësinë më vdekjeprurëse që nga themelimi i vendit 100 vjet më parë.

Ai shtoi se më shumë se 13,000 njerëz po marrin ndihmë mjekësore në spitale./Telegrafi/

I want to applaud the search and rescue efforts of the @KSF_Kosova ?? in Türkiye ?? over the last ten days.
So far they have managed to save four lives, including two children.
Proud to see #Kosovo joining the #EU?? and international rescue effort. pic.twitter.com/7aR01Z1jON

— Ambassador Tomáš Szunyog (@EUAmbKS) February 15, 2023