Shala: Shëndetësia, është prioriteti im

Kandidatja për kryetare të Pejës nga radhët e Partisë Demokratike të Kosovës, Sabiha Shala, ka siguruar stafin mjekësor se shëndetësia do të jetë një ndër prioritetet e saj se në rast të qeverisjes në Pejë.

Shala përmes Facebook-ut, ka treguar se gjatë ditës së sotme ka vizituar Spitalin Rajonal dhe Qendrën e Mjekësisë Familjare në Pejë, ku ka paraqitur platformën e saj për sferën e shëndetësisë.

Ajo shtoi se platforma programore e PDK-së, do të sigurojë shëndetësi të qëndrueshme dhe efecientë.

Lexojeni më poshtë postimin e Shalës në Facebook:

“Në Ditën Botërore të Zemrës, vizitova Spitalin Rajonal të Pejës dhe Qendrën Kryesore të Mjekësisë Familjare, ku takova stafin mjekësor si dhe për së afërmi dëgjova nevojat e pacientëve.

E sigurova stafin mjekësor po ashtu edhe pacientët se shëndetësia është prioriteti im.

Platforma ime programore do të sigurojë shëndetësi të qëndrueshme dhe efiçiente. Do të ketë përmirësim të shërbimeve emergjente si dhe funksionalitet e dinamikë moderne të shërbimeve nga ana e stafit mjekësor”(sic), ka shkruar Shala në Facebook./Telegrafi/