Shakira shihet e lodhur dhe me fytyrë të dëshpëruar në imazhet e reja gjatë një dalje në Barcelonë teksa ish-partneri Pique u pa me një tjetër femër misterioze

Shakira tregoi tendosjen e javëve të fundit teksa u fotografua duke udhëtuar në shtëpi në Barcelonë të martën (21 qershor).

Këngëtarja kolumbiane, 45 vjeçe, dukej e mërzitur dhe e lodhur teksa hipi pas timonit, pak pasi ish-partneri i saj Gerard Pique u fotografua me një grua misterioze në një festë në Stokholm.

Ylli i top-listave dhe mbrojtësi i Barcelonës, të cilët kanë dy fëmijë, njoftuan se po ndaheshin muajin e kaluar.

Me grim minimal, Shakira nuk arriti të buzëqeshte teksa po shkonte drejt shtëpisë së saj të martën, shkruan DailyMail.

Së fundmi, një postim në rrjetet sociale ku shfaqej bashkëshorti i saj Gerard u bë viral pasi një fanse suedez postoi imazhe të tij në një festë që futbollisti kishte marrë pjesë në Stokholm.

Sipas fanses, mbrojtësi i Barcelonës dyshohet se ka refuzuar të përshëndesë djalin e saj të apasionuar pas futbollit, duke e shtyrë atë ta quajë yllin “një humbës”.

Fotografia e Piques duke qëndruar përkrah gruas së re me një kapele të bardhë, u bë virale gjatë fundjavës, ndërsa shtypi spanjoll u përpoq ta identifikonte atë, por pa fat.

Gerard dhe Shakira konfirmuan fundin e martesës së tyre 11-vjeçare muajin e kaluar.

Dyshja – të cilët janë prindër të djemve Milan, nëntë vjeç dhe Sasha, shtatë – lëshuan një deklaratë të përbashkët në të cilën thanë: “Me keqardhje konfirmojmë se po ndahemi.

“Kërkojmë privatësi në këtë moment për mirëqenien e fëmijëve tanë, të cilët janë prioriteti ynë maksimal. Faleminderit paraprakisht për mirëkuptimin dhe respektin.”, thuhej tutje në deklaratë.

Lexo po ashtu Gerard Pique fotografohet me një bionde misterioze nga një fanse e zemëruar pasi refuzoi t'i përshëndeste

Dyshja e famshme fillimisht u shfaqën publikisht si çift në vitin 2011.

Gazeta spanjolle ‘El Periodico’ raportoi se çifti kanë jetuar veçmas për disa javë pasi Pique u dëbua nga shtëpia e familjes nga ylli i popit.

Sipas burimeve, Pique që atëherë ka jetuar një ‘stil jete festash’ në një strehë beqarie dhe duke shijuar netët me shokët e skuadrës. /Telegrafi/