Shahpaska: Vitin e kaluar për gjashtë muaj janë regjistruar 1.168 akte dhune

“Për periudhën janar – shtator 2020, ka pasur 1.168 akte dhune, nga të cilat 836 viktima raportuan dhunë në qytete dhe 332 në zona rurale. 51 vajza të mitura ishin viktima të dhunës dhe 53 djem, që është një numër shqetësues. Në 816 raste nga 1.168 raste të raportuara të dhunës, institucionet veprojnë ose morën masat e duhura”, tha Ministri i Punës dhe Politikës Sociale Jagoda Shahpaska për “Radio Kanal 77”.

Ajo gjithashtu foli për përgjegjësinë e institucioneve e cila është e madhe dhe e detyrueshme dhe saktësisht ligji i ri parashikon të veprojë me kujdesin e duhur, domethënë çdokush që është i punësuar në një institucion, dëshmitar i dhunës, është i detyruar ta raportojë atë.

“Shkalla e parë janë Qendrat për Punë Sociale ose Policia, të cilat janë të detyruara të veprojnë, dhe gjykata, brenda 24 orëve, merr një vendim në përputhje me raportin e themeluar të policisë. Qëllimi i zgjidhjes së re ligjore është të rrisë ndërgjegjësimin e publikut, të flasë hapur për dhunën, për të parandaluar atë, dhe nëse ndodh e njëjta, për të marrë masa, si urgjente dhe për të mbështetur dhe mbrojtur viktimën”, tha Shahpaska./Telegrafi/