Serie A – Formacioni i sezonit

Sezoni 2010/2011 në Serie A u karakterizua me ndryshime nga maja deri në fundin e tabelës, pasi elita e futbollit italian kaloi nëpër një sezon mjaft të tendosur.

Në krye të tabelës është Milani, duke i dhënë rivalit të qytetit Interit fundin e dominimit të gjatë në futbollin italian, përderisa Napoli dhe Udinese shokuan të gjithë duke u kualifikuar për Ligën e Kampionëve. Sampdoria e cila një vit më parë luftonte për Ligën e Kampionëve, u dëbua në Serie B.

Kishte shumë ndryshime edhe në nivelin personal. Interi nuk ka arritur që me po të njëjtat yje por pa komandantin të përsërisë sukseset e sezonit të kaluar, përderisa Milani dhe Udinese kanë arritur të nxjerrin maksimumin prej lojtarëve të tyre.

Formacioni ynë më i mirë ka shënuar plot 106 gola dhe ka 54 asistime.

Formacioni më i mirë i sezonit në Serie A (4-3-3):

Portier – Christian Abbiati (Milan)
Paraqitje: 35
Ndeshja pa pranuar gol: 18

Milani kishte durim gjatë lëndimit të tij të rëndë dhe mungesës në vitin 2009, ndërsa këtë vit ata morën shpërblimin për këtë. Me komandim të shkëlqyer të mbrojtjes dhe menaxhimit të shkëlqyer të harkimeve, ish-portieri i Juventusit me sukses siguroi pozitën startuese te klubi më i trofeshëm në botë.

Mbrojtës i djathtë – Ignazio Abate (Milan)
Paraqitje: 29
Gola/asistime: 0/1

Aspak bindës nën Leonardon, por praktikisht i pa ndalshëm këtë sezon, ish-lojtari i Torinos është shndërruar jo rastësisht në një prej mbrojtësve më të mirë italianë. Ai e ka menaxhuar për mrekulli krahun e majtë duke ndalur kundërshtarët, por ishte i mirë edhe në depërtimet në sulm.

Qendërmbrojtës – Cristian Zapata (Udinese)
Paraqitje: 35
Gola/asistime: 2/1

Pas një sezoni të dobët në 2009/2010, kolumbiani u rikthye fuqishëm këtë sezon. Me aftësi të jashtëzakonshme organizative tipike për një 24 vjeçar, ia arriti që me sukses të jetë një prej shkaqeve kryesore prapa sukseseve të ekipit të tij.

Qendërmbrojtës – Thiago Silva (Milan)
Paraqitje: 33
Gola/asistiem: 1/1

Thjeshtë, një prej mbrojtësve më të mirë në botë sot, nëse jo më i miri. Vëmendje, inteligjencë, përkushtim, fuqi, shpejtësi, zemër, aftësi të lojës në ajër, i mirë me të dyja këmbët – braziliani me një fjalë i ka të gjitha. Ishte një prej arsyeve kruciale pse Milani e fitoi titullin.

Mbrojtës i majtë – Federico Balzaretti (Palermo)
Paraqitje: 33
Gola/asistime: 2/7

Përkundër telasheve të Palermos në mbrojtje, ‘Balzac’ kishte një sezon fantastik, me një kontribut të mrekullueshëm të bazuar në dëshirë, vëmendje dhe krenari në mbrojtje dhe sulm. Shtatë asistimet e tij ishin kyçe që ai të ftohet në kombëtare.

Anësor i djathtë – Alexis Sanchez (Udinese)
Paraqitje: 32
Gola/asistime: 12/12

Një prej talentëve më të mëdhenj në Evropë, kiliani ia ka arritur të shpërthejë fuqishëm duke e pozicionuar Udinesen në pozitën e katërt. Me shpejtësi të jashtëzakonshme, me aftësi të shkëlqyera të kontrollimit të topit dhe me fuqi në pjesën e parme të trupit, anësori i ri do të jetë i furishëm edhe në Ligën e Kampionëve, pa marrë parasysh se për cilin ekip.

Mesfushor i qendrës – Princ Boateng (Milan)
Paraqitje: 26
Gola/asistime: 3/3

Nga një transfer i kategorisë së ulët, ai u shndërrua në një yll të vërtetë skenik, është vërtet i çuditshëm evoluimi i ganezit në Milanello. E shndërroi veten në figurë kyçe me paraqitjet me zemër dhe besim në mesfushë, ndërsa i tillë ishte ndikimi i tij në fushë kur luante edhe si trikuartist prapa sulmuesve.

Anësor i majtë – Hernanes (Lazio)
Paraqitje: 36
Gola/asistime: 11/5

Lazio mund të mos ketë siguruar vendin për Ligën e Kampionëve, por nëse është ndonjë lojtar që meriton të luajë në atë garë, atëherë ai është Hernanes. Lëvizshmëria e tij, aftësia për pasime dhe e majta e mrekullueshme e bën brazilianin një prej më të mirëve në Apenine këtë sezon, duke mbajtur skuadrën e tij në luftë për vendet evropiane deri në momentin e fundit.

Sulmues – Edinson Cavani (Napoli)
Paraqitje: 35
Gola/asistime: 26/6

Cavani shfaqi impakt të jashtëzakonshëm në San Paolo pas transferimit të tij nga Palermo verën e kaluar. Pasi shënoi në tri ndeshjet e para, gjërat vetëm sa shkuan mirë me hettriqe ndaj Juventusit, Sampdorias dhe Lazios. 26 golat e tij ishin pivotalë që Napoli të kthehet në Ligën e Kampionëve.

Sulmues – Antoni Di Natale (Udinese)
Paraqitje: 33
Gola/asistime: 28/5

Kur nuk ia pasoni topin, ai brohorit – kur ia pasoni, ai përsëri brohorit. Standardet që Di Natale ia ka vënë ekipit të tij e kanë parë atë përsëri në krye të listës së realizatorëve dhe ekipin e tij në Ligën e Kampionëve. Përkundër gjithë atyre golave, është dy golëshi ndaj Lazios në javën e 37-të ajo që bëri diferencën.

Sulmues – Samuel Eto’o (Inter)
Paraqitje: 35
Gola/asistime: 21/11

Duke rrumbullakësuar sulmin tonë 75 golësh, Eto’o ishte pa kurrëfar dyshimi më i miri te Interi këtë sezon. Eto’o madje ishte më i mirë se sa sezonin e kaluar, duke shënuar 35 gola në të gjitha garat, për dallim kur Mourinho e shfrytëzonte si mbrojtës të majtë.

Abbiati
Balzaretti – Thiago Silva – Zapata – Abbate

Sanchez – Botateng – Hernanes

Cavani – Di Natale – Eto’o

Nuk pajtoheni me formacionin? Kush sipas jush është dashur të jetë në këtë formacion? Shprehuni në hapësirën për komente…

/Telegrafi/