Selvije Jao rrëfen se si është njohur me Shpat Kasapin

Këngëtari i njohur nga Maqedonia, Shpat Kasapi, në fund të vitit të kaluar i dha fund beqarisë duke u fejuar me bukuroshen Selvije Jao.

Të njëjtit njoftuan për lidhjen e tyre muaj më parë, ndërsa po vazhdojnë të shijojnë çdo moment pranë njëri-tjetrit.

Së fundmi, ata kanë qenë të ftuar në emisionin “Roped with Olsi”, të cilët njëherësh kanë rrëfyer më shumë për lidhjen e tyre.

Bukuroshja nga Gostivari deklaroi se ka punuar si grimere dhe se aty është takuar me Shpatin.

“Unë kam punuar si grimere dhe kishte Shpati një klip dhe u kontaktova nga stafi i Shpatit, por ishin rregulluar të gjithë, ishin gati dhe unë rrija aty si gjynah. U prezantuam aty me Shpatin dhe më tha hajde ma bëj mua grimin. Dhe unë pranova se thashë mos t’i shkojnë lekët kot. U bëmë miq krijuam një kimi shumë të fortë. Kjo ka ndodhur para tri viteve. Kemi tri vite që njihemi. Kemi qenë miq fillimisht. Ngaqë ishim të afërt ia tregonim çdo gjë njëri-tjetrit, jepnim këshilla derisa Shpati më tha një ditë ti ke karakteristikat që unë dua nga partnerja ime”, theksoi ajo.

Lexo po ashtu Shpat Kasapi publikon fotografi krah partneres së tij nga dita e fejesës: Ne i thamë PO njëri-tjetrit

Më pas, Selvija shtoi se është një femër xheloze për bashkëshortin e saj, për shkak të profesionit të tij.

Ky i fundit më parë ka qenë i fejuar me këngëtaren e modelen Afërdita Dreshaj. /Telegrafi/