Aktori i njohur i Hollywood, Sean Penn, ka marrë pjesë në filmin antologjik ukrainas “War Through the Eyes of Animals” dhe për rolin e tij ka marrë… vetëm 1 dollar.
Prodhuesi Oleg Kokhan shpjegoi se sipas rregullave të Screen Actors Guild, një aktor nuk mund të punojë pa pagesë, ndaj Penn insiston që të marrë një pagesë simbolike prej një dollari.
Filmi përbëhet nga shtatë tregime të shkurtra, të bazuara në raste reale të shpëtimit të kafshëve gjatë luftës së plotë në Ukrainë.
Sean Penn shfaqet në segmentin “The Eagle”, nën regjinë e Myroslav Slaboshpytskyi, ku luan rolin e një producenti të zërit që aksidentalisht bëhet dëshmitar i orëve të para të pushtimit rus.
Ky projekt artistik ka tërhequr vëmendje për mënyrën simbolike të angazhimit të aktorit të madh dhe për fokusin e filmit në historitë e prekshme të kafshëve në kohë lufte. /Telegrafi/
