Sean Penn kritikoi punën e Nicolas Cage: Ai nuk është më aktor, nuk e mbështes prostitucionin e kolegëve të mi

Pas fitimit të Oscarit për rolin kryesor në filmin “Largimi nga Las Vegas”, Nicolas Cage iu përkushtua filmave aksion, dhe kolegu i tij Sean Penn nuk ishte entuziast për punën e tij.

Pas filmit “Largimi nga Las Vegas”, Cage pranoi shumë role aksioni, duke përfshirë rolin në filmin “Con Air”. Ky film u shfaq në vitin 1997, dhe pason arratisjen e aktorit kryesor nga burgu.

Cage ishte pjesë e një kasti të suksesshëm që përfshinte John Cusack, John Malkovich, Steve Buscemi dhe Ving Rhames. Filmi ishte një sukses komercial me mbi 224 milionë dollarë fitime.

Pavarësisht suksesit financiar, kolegu i Cage, Sean Penn, nuk ishte entuziast për punën e tij. Penn luajti bashkë me Cage në filmin e vitit 1984 “Racing with the Moon”, por zgjodhi të kritikojë hapur ndryshimin e Cage në drejtimin e karrierës.

“Nic Cage nuk është më një aktor, ai është si një interpretues tani”, tha Penn.

Në këtë mënyrë ai tregoi se Cage hoqi dorë nga aktrimi “i pastër” dhe iu përkushtua ekskluzivisht filmave që u krijuan për sukses komercial.

“Nëse ka diçka më të neveritshme në industrinë e filmit, do të ishte prostitucioni i kolegëve të mi”, pohon Penn.

Nicolas Cage nuk ka zgjedhur të heshtë përballë kritikave, ndaj në një intervistë për The Guardian ka thënë se duket se Penn po i kushton shumë rëndësi karrierës së tij.

“Mendoj se ai është shumë i përfshirë në karrierën time. Nuk mendoj shumë për atë që po bën. Sean ka të drejtë për mendimin e tij, por për mua aktrimi ka qenë gjithmonë një mënyrë për t’u shprehur, në çdo format. Filmat aksion janë legjitime. forma e të shprehurit për mua” , shpjegoi Cage. /Telegrafi/