Së shpejti fillon turneu Kinguin Legends ku do të marrin pjesë legjendat e CS:GO Neo, f0rest, HeatoN dhe më shumë.

Nesër (e martë) do të fillojë turneu i CS:GO, i cili bashkon disa nga legjendat më të mëdha në skenën e Counter-Strike.

Lojtarë si Neo, pashaBiceps, Edward, Maikelele, HeatoN dhe kennyS kanë krijuar ekipet e tyre të cilat do të garojnë ndaj njëra tjetrës.

Skuadrave të legjendave do t’u bashkohen edhe shumë lojtarë të skenës së CS:GO, dhe legjenda tjera të cilët nuk janë më aktiv në skenën profesionale.

Gjashtë ekipet do të jenë në garë për një grup çmimesh rreth 50.000 dollarë, në turneun i cili do të fillojë nesër me datën 13 shtator dhe do të zgjasë gjithsej 5 ditë.

Let’s go! 13.00 tomorrow @KinguinNet @denniscsgod @PALM1xD @alittoo98 @GrusCSGO pic.twitter.com/zW4uhWEEwz

— Emil Christensen (@Real_HeatoN) September 12, 2022

Ndeshja e parë do të fillojë nga ora 12:00, ku do të përballet skuadra e legjendarit të Counter Strike 1.6, HeatoN kundër skuadrës së pashaBiceps.

Të gjitha ndeshjet do të transmetohen në kanalin zyrtar të Kinguin, në platformën Twitch.

Më poshtë i gjeni formacionet e skuadrave pjesëmarrëse në këtë turneu.

Ekipi i pashaBiceps: byali, pashaBiceps, szejn, Snax, MICHU

Ekipi i HeatoN: dennis, Grus, PALM1, HeatoN, Alittoo

Ekipi i Maikelele: mwlky, Maikelele, rrallën, mouz, Devilwalk

Ekipi i Neo: Olofmeister, f0rest, friberg, tudsoN, NEO

Ekipi i kennyS: SmithZz, smooya, NatoSaphix, Ninis, kennyS

Ekipi i Edward: j3kie, bondik, Edward, Woro2k, DemQQ

/Telegrafi/