Scarlett Johansson u martua fshehurazi me të dashurin e saj, komikun Colin Jost, me të cilin u fejua në maj të vitit të kaluar.
Lajmi i lumtur u njoftua nga organizata "Meals on Wheels America", e cila mbështet programe për të parandaluar urinë tek të moshuarit në të gjithë Shtetet e Bashkuara dhe i ndihmon ata të mos ndihen të izoluar.
"Ne jemi të entuziazmuar të njoftojmë lajmin se Scarlett Johansson dhe Colin Jost janë martuar në fundjavë. Ishte një ceremoni intime ku morën pjesë vetëm miqtë e tyre dhe anëtarët e familjes, duke respektuar masat epidemiologjike", thuhej në postim.
Siç thuhet në këtë faqe, dëshira e tyre ishte të ndihmonin grupet në nevojë, ose të moshuarit në këtë kohë të vështirë. "Ju lutemi merrni parasysh një donacion për të festuar me një çift të lumtur," shkroi organizata.
(Foto: Instagram/fanpage)
Ndërkaq, Scarlett dhe Colin fillian romancën në vitin 2017, pasi u takuan gjatë pjesëmarrjes në "Saturday Night Live". /Telegrafi/
Scarlett Johansson dhe Colin Jost (Foto: Insider)
