Sarri: City më lartë se ekipet tjera, duhet të vazhdojmë ta zvogëlojmë diferencën që nga ndeshja me Tottenhamin

Chelsea vazhdon të jetë në ndjekje të Manchester Cityt, që kanë katër pikë më shumë se “blutë” e Londrës.

Pas pushimit për shkak të ndeshjeve në Ligën e Kombeve në këtë fundjavë kthehet Liga Premier me përballjen e madhe Tottenham -Chelsea.

Trajneri Maurizio Sarri, duke folur për sfidën duke e vlerësuar lartë Manchester Cityn.

“City është më lart se të gjitha ekipet e tjera dhe pas tij vjen Liverpool. Por ne po rikuperojmë diferencën me kampionët e Anglisë”.

“Natyrisht që diferenca prej 30 pikësh e kampionatit të kaluar mes dy ekipeve nuk mund të venitet brenda pak muajsh, por jemi në rrugën e duhur”.

“Kemi një përballje të fortë ndaj Tottenham, një ekipi teknik dhe të shpejtë dhe statistikat thonë që është i fortë në përgatitjen fizike. Në sulm janë vrastarë, të godasin në çdo moment që u krijohet mundësia”.

“Shpresoj që të përshtatemi mirë me këtë sfidë, më mirë se sa ka ndodhur në 3 përballjet e fundit, ku nga ana mendore nuk kemi qenë aty ku duhet”, ka thënë Sarri. /Telegrafi/