Samuel Eto’o akuzohet se ka tentuar t’i shkatërrojë karrierën Onanas

Portieri i Interit, Andre Onana është në prag të një lëvizjeje te Manchester United, sipas pothuajse të gjitha raportimeve për këtë çështje. Transferimi vjen vetëm disa muaj pasi gardiani u largua nga kampi i Kamerunit në Katar për shkak të mosmarrëveshjeve personale me drejtuesit, por United nuk duket të ketë ndonjë shqetësim për karakterin. Sipas një prej ish-zëvendës-presidentëve të Federatës së Futbollit të Kamerunit, incidenti i Kupës së Botës ishte për Samuel Eto’o.

Ish-sulmuesi i Real Mallorcas, Real Madridit dhe Barcelonës tani është president i Federatës së Futbollit të Kamerunit dhe zakonisht është i hapur në rolin e tij. Megjithatë Cadena Cope ka përcjellë citate nga Henri Njalla Quan, i cili pretendon se Eto’o lejoi që pikëpamjet e tij personale të turbullonin gjykimin e tij profesional.

“E pyeta zyrtarisht për të ardhmen e portierit tonë (Onana) në ekipin kombëtar, dhe ai u përgjigj se karriera e djalit ka mbaruar dhe se letra që i dërgoi klubit të tij, Interit, ishte për të hequr qafe djalin, kështu që si mundet dikush të jetë kaq i vogël? Ai donte ta hiqte qafe me çdo kusht”, ka zbuluar ai.

Lexo po ashtu Onana përshëndet bashkëlojtarët e Interit para testeve mjekësore te Man Utd

Në përgjithësi, Njalla Quan pretendon se Eto’o ka helmuar kulturën në kombëtaren e Kamerunit.

“Yjet e kombëtares po mbyten nga dikush që vetë ka qenë yll kur ishte futbollist dhe që dëshiron të vazhdojë të jetë i tillë si trajner. Ai është i pranishëm në të gjitha takimet, në të gjitha seancat stërvitore. Edhe trajneri (Rigobert Song) ndihet i mbytur nga gjithë prania e Eto’o-s”.

Eto’o madje u akuzua se kishte kërcënuar edhe Njalla Quan.

Lexo po ashtu Loja me këmbë e Andre Onanas edhe jashtë portës është tjetër nivel

“Eto’o i dha 1 milion franga një zyrtari të futbollit për të më monitoruar dhe ky njeri filloi të kërcënonte familjen time. Unë kontaktova me prokurorin, i cili mori masa për të garantuar sigurinë time. Presidenti Samuel Eto’o mbajti një takim me anëtarët e tjerë të komitetit ekzekutiv në hotelin Starland, gjatë të cilit ai tha se nuk më beson më, sepse bëra shumë pyetje”, ka shtuar më tej Quan.

Këto akuza aktualisht janë të kufizuara në Njalla Quan, dhe Eto’o ende nuk është përgjigjur ndaj tyre. Megjithatë, është një pamje shqetësuese që është pikturuar e kujdestarisë së Eto’o-s, dhe sigurisht që hedh një dritë tjetër në daljen e Onanës nga Kupa e Botës. /Telegrafi/