Në vend të kësaj, Samsung po mbështetet në modele të tjera dhe nuk do të heqë dorë nga elementët e dizajnit dhe veçoritë e serisë Note.

Fundi i serisë Galaxy Note duket i vulosur. Samsung do të ndërpresë prodhimin e të gjitha modeleve Galaxy Note në fund të vitit, sipas Androidpolice.

Këtë vit, gjigandi korean i telefonave inteigjent, sipas informacioneve të veta për shkak të mungesës së një çipi, nuk solli në treg një Galaxy Note 21. Rënia e shifrave të shitjeve mund të jetë gjithashtu një faktor shtesë. Sipas ET News, Samsung dërgoi 12.7 milionë pajisje Note në vitin 2019, krahasuar me 3 milionë më pak në vitin e ardhshëm. Siç dyshohet tashmë, me sa duket nuk do të ketë më një pajisje të re Note, pasi prodhuesi nuk e ka shtuar një të tillë në linjën e tij vjetore të telefonave inteligjent për vitin 2022.

Reklama
Reklama

S22 Ultra në vend të Note

Përvoja e Note në thelb duhet të transferohet te Galaxy S22 Ultra. Siç tregojnë fotot e zbuluara nga Digit.in dhe @OnLeaks, supozohet se do të ketë një dizajn në formë kutie dhe do të ketë një vend për S Pen. Duhet të jenë gjithashtu të disponueshme veçoritë ekskluzive të softuerit të serisë Note. Është planifikuar të dalë në treg në fillim të shkurtit.

Sipas raportimeve, Samsung po ndalon gjithashtu prodhimin e gamës Galaxy Note për të rritur prodhimin e pajisjeve të saj të palosshme. /Telegrafi/