Samsung arrin marrëveshje strategjike me BlackBerry

Samsung dhe BlackBerry njoftuan për arritjen e një partneriteti strategjik mes tyre. Marrëveshja do ta ofrojë sigurinë shumë të vlerësuar mobile nga kompania kanadeze tek linja e telefonave të shumtë të Samsung, të cilët bazohen në Android.

Rezultati përfundimtar i partneritetit në mes të dy kompanive të mëdha mobile do të shihet në fillim të vitit 2015.

Siç thuhet, marrëveshja parasheh shkrirjen e platformës BES12 BlackBerry EMM me atë të Knox Samsung në një suitë të vetme të sigurisë për telefonat e linjës Galaxy dhe tabletëve të kompanisë jugkoreane.

Samsung KNOX dhe BES12 do të ofrojnë ndarje të plotë të të dhënave të biznesit dhe atyre personale. Suita e ardhshme e sigurisë gjithashtu do të sigurojë përmirësime të cilat do t’i adresojnë disa nga çështjet specifike të sigurisë në Android.

Marrëveshja është në dobi për të dyja palët. Kjo, pasi që Samsung do të bëhet një lojtar i madh në tregun e klientëve të biznesit.
BlackBerry në anën tjetër, me siguri do të mirëpresë një sasi të freskët të parave të gatshme në biznesin e saj. (Telegrafi)