Këngëtarja pop Sabrina Carpenter është e bindur se tekstet e saj mund të argëtojnë pothuajse këdo — madje edhe më konservatorët. Në një pjesë të intervistës së saj të ardhshme për CBS Mornings, e ndarë këtë të enjte, 26-vjeçarja i tregoi Gayle King se beson që edhe ata që fillimisht “zgjatohen” nga muzika e saj, përfundimisht do të buzëqeshin.
Moderatorja Gayle King (70) i tha Carpenter se i pëlqen muzika e saj sepse është “pa kompromis”, por shtoi se “ka njerëz që e dëgjojnë dhe vetëm tundin kokën”. Sabrina pranoi duke buzëqeshur: “Është e vërtetë”.
Fillimisht, ajo tha se albumi i ri “nuk është për ata që zgjatohen”, por më pas e korrigjoi veten: “Jo, unë mendoj se edhe ata mund ta dëgjojnë vetëm, në qetësinë e tyre, dhe të gjejnë diçka që do t’i bëjë të qeshin e t’i shkaktojë një të qeshur të lehtë”.
King vuri në dukje se muzika e saj shpesh është një kombinim mes “sensualitetit”, “forcës” dhe “brishtësisë”. Carpenter sqaroi pse tekstet e saj shpesh tingëllojnë provokuese: “Ndonjëherë njerëzit dëgjojnë vargje që janë shumë të guximshme dhe mendojnë: ‘Nuk dua ta këndoj këtë para të tjerëve.’ Sikur të ishte tepër. Por pastaj e shoh veten në një koncert, me qindra vajza të reja në rresht të parë, duke bërtitur nga gjithë shpirti bashkë me mikeshat e tyre, dhe kupton që mund të themi: ‘Në rregull, kjo është thjesht për t’u argëtuar’. Dhe kaq mjafton”.
Sabrina Carpenter ka shpallur në qershor përmes Instagramit albumin e saj të shtatë me titull Man's Best Friend. Vetëm pak ditë para shpalljes, ajo publikoi edhe këngën kryesore të albumit, Manchild. Ky projekt pason suksesin e madh të albumit Short n' Sweet (2024), ku u përfshinë hitet globale Espresso, Taste, Please Please Please dhe Bed Chem.
Albumi i ri do të publikohet të premten, më 29 gusht. /Telegrafi/
