Sabri Fejzullahu dekorohet me Medaljen Presidenciale të Meritave

Këngëtari mirënjohur, Sabri Fejzullahu, është dekoruar me Medaljen Presidenciale të Meritave nga presidenti i Republikës së Kosovës, Hashim Thaçi.

Legjenda e muzikës shqipe është nderuar me këtë medalje për të arriturat e tij në skenën e muzikës dhe në aktrim.

“Me Medaljen Presidenciale të Meritave, sot e dekorova një prej këngëtarëve më të pëlqyer të publikut tonë për më shumë se gjysmëshekulli”.

Lexo po ashtu Të gjitha lajmet nga Sabri Fejzullahu

“Gati tërë jetën e tij, Sabriu na ka argëtuar me këngën dhe humorin e tij. Na ka treguar bukuritë e jetës, por edhe na ka bërë të mendojmë për detyrat dhe obligimet për shoqërinë tonë”, shkruan në profilin e presidentit në Facebook.

Sabriu ka pas vetës një karrierë më shumë se 50-vjeçare, si këngëtar dhe aktor, dhe ndër vite i ka argëtuar shqiptarët me muzikën dhe humorin e tij.

71-vjeçari i takon gjeneratës së vjetër të këngëtarëve, mirëpo edhe në periudhën moderne, ai ka arritur që të pëlqehet edhe nga gjeneratat e reja dhe muzika e tij vazhdon të dëgjohet sot e kësaj dite.

Ndërkohë që Fejzullahu nuk rresht duke sjellë materiale të reja muzikore dhe performanca në evenimente të ndryshme argëtimi. /Telegrafi/

https://www.youtube.com/watch?v=ZFYbQ6t3Niw