Sa shpesh duhet të ndërrohet vaji i automjetit, a keni dëgjuar për mitin e 4,800 kilometrave?

Në forumin shumë të njohur Reddit, një përdorues pyeti të tjerët se cilat mite të lidhura me makinat dhe legjendat urbane i zemërojnë më shumë.

Pati mijëra përgjigje, por historia e një përdoruesi amerikan habiti veçanërisht evropianët. Ai përmendi se e urren, mbi të gjitha, të ashtuquajturin mitin e 4,828 kilometrave, për të cilin shumica dërrmuese e njerëzve në këtë anë të Atlantikut vështirë se kanë dëgjuar ndonjëherë, transmeton Telegrafi.

Sidomos në Shtetet e Bashkuara, një mit i zakonshëm thotë se vaji i makinës duhet të ndërrohet çdo rreth 4,800 kilometra ose çdo tre muaj.

Historia daton në dekada më parë, kur ndryshimi i vajit në makina mund të ishte i nevojshëm edhe kaq shpesh. Megjithatë, në Shtetet e Bashkuara, ajo ka mbetur pjesë e një lloj “kanuni” të automobilizmit.

Një pjesë e arsyes për këtë është se në SHBA kjo histori është shtyrë përpara nga ata që përfitojnë prej saj, pra dyqanet e shërbimeve.

Intervali i ndërrimit të vajit të një makine ndryshon në varësi të makinës dhe vajit të përdorur, por në praktikë është gjithmonë ndërmjet 10,000 dhe 30,000 mijë kilometrave. Nëse makina drejtohet pak, rekomandohet ta ndërroni atë rreth një herë në vit.

Në parim, vaji gjithashtu mund të zgjasë dukshëm më gjatë, por më pas rriten rreziqet e problemeve. Përveç kësaj, është thelbësore të ndryshoni filtrin e vajit, sepse vajrat e makinës mund të zgjasin më shumë se kaq.

Në rastin më të keq, kursimi në punën e ndryshimit të filtrit madje mund të çojë në dëmtim të motorit, kur vetitë e vajit përkeqësohen dhe lubrifikimi përkeqësohet. /Telegrafi/