Ryan Reynolds kërkon urdhër mbrojtës ndaj avokatit të Justin Baldoni, për të shpëtuar imazhin e tij dhe karrierën e gruas Blake Lively

Ryan Reynolds ka kërkuar një urdhër mbrojtës kundër avokatit të Justin Baldonit, Bryan Freedman, pas tensioneve ligjore që përfshijnë gruan e tij, Blake Lively, dhe aktorin Baldoni.

Ky veprim ka ardhur pas një beteje të ashpër ligjore, ku Lively ka paditur Baldonin për ngacmim seksual dhe për krijimin e një mjedisi toksik gjatë xhirimeve të filmit “It Ends with Us”.

Reynolds, i shqetësuar për karrierën e tij dhe të gruas së tij, ka kërkuar që të ndalohet çdo fushatë shpifjeje ndaj tyre, të nisur nga avokati i Baldonit, shkruan DailyMail.

Një burim pranë çiftit të Hollywood-it ka zbuluar se Reynolds ishte një nga shtytësit kryesorë pas kërkesës për urdhër mbrojtës, për të shmangur çdo ndikim negativ në projektet e tij të ardhshme dhe për mirëqenien e Lively.

Ata janë të shqetësuar gjithashtu për ndikimin që kjo situatë mund të ketë në rikthimin e Lively në kinematografi, pas një pauze të gjatë për t’u kujdesur për fëmijët.

Në një tjetër zhvillim, Lively dhe Reynolds kanë akuzuar Freedman për shkelje të rregullave gjyqësore duke shpërndarë pamje të pa redaktuara nga një skenë në film, që Lively e kishte përdorur si provë për ngacmim seksual.

Ky aksion ka ngritur debate të ashpra, me Baldonin që ka paditur çiftin për shpifje, duke e akuzuar ata për përpjekje për të dëmtuar reputacionin e tij. /Telegrafi/