Russell Brandin nuk e mbrojnë as shokët: Ai ka bërë gjëra vulgare dhe të çmendura

Miku i Russell Brand, Jack Osbourne thotë se komediani ka bërë “gjëra vulgare, të egra, të çmendura” mes akuzave për përdhunim dhe sulm seksual.

Jack Osbourne ka reaguar mbi polemikën e Russell Brand, përderisa gra të tjera kanë dalë për të pohuar sulmet seksuale kundër komedianit, shkruan DailyMail.

37-vjeçari, theu heshtjen e tij ndaj pretendimeve gjatë një interviste në “Talk TV” me Piers Morgan me pjesën tjetër të familjes së tij në një intervistë për “Uncensored” ku ai i quajti veprimet e mikut të tij ‘vulgare, të egra dhe të çmendura’.

Jack, i cili së fundi u martua me Aree Gearhart, tha: “Ne të gjithë, familja Osbourne, e njohim Russellin që 20 vjet, dhe ju pëlqen të uleni dhe të thoni jo”.

“Ai ka bërë disa gjëra vulgare, të egra, të çmendura, por ju kurrë nuk dëshironi të supozoni se dikush që njihni dhe jeni mik apo i njohur është në gjendje ta bëjë këtë”, u shpreh ai.

Lexo po ashtu Russell Brand dyshohet se përdhunoi një grua vetëm pesë muaj pasi finalizoi divorcin me Katy Perryn

Duke përdorur Danny Masterson si krahasim, Jack tha: “Por ju, ne duhet ta shohim, ne e pamë atë me situatën e Danny Masterson. Unë isha një mik personal i Denit. Unë kam qenë në shtëpinë e tij, kam luajtur poker me të. Unë në fakt i njihja disa nga viktimat dhe kështu ajo histori ishte, “Oh Zot madh”.

Aktori amerikan u dënua me 30 vjet burg në fillim të këtij muaji për përdhunimin e dy grave.

“Kur njeh dikë dhe më pas ai shpallet fajtor, padyshim që ju tund themelet, sepse nuk e dini kurrë se çfarë ndodh pas dyerve të mbyllura”, tha Jack.

Ndërkohë, Russell u akuzua për përdhunim dhe sulm seksual pas një hetimi nga “The Times” dhe “Channel 4 Dispatches” solli në dritë një numër pretendimesh që e akuzonin atë për sjellje abuzive dhe grabitqare, duke përfshirë përdhunimin dhe sulmin seksual. /Telegrafi/