Rusia “ka një pyetje” për SHBA-në dhe aleatët e saj në NATO rreth furnizimit të Ukrainës me aeroplanë luftarakë F-16

Rusia ka paralajmëruar SHBA-në dhe aleatët e saj në NATO për planet e tyre për t’i siguruar Ukrainës aeroplanë luftarakë F-16.

Sipas mediave të huaja, përcjell Telegrafi, ambasadori i vendit në Uashington, Anatoly Antonov, “vuri në dyshim” nëse përdorimi i aeroplanëve të fuqishëm në luftë do të përbënte përfshirje të drejtpërdrejtë perëndimore – duke pretenduar se Ukraina nuk ka infrastrukturën apo personelin e nevojshëm për t’i operuar ato vetë.

Duke shkruar në llogarinë e Telegramit të ambasadës ruse, ai tha: “Çdo specialist e di se nuk ka infrastrukturë për përdorimin e F-16 në Ukrainë dhe nuk ka as numrin e kërkuar të pilotëve dhe personelit të mirëmbajtjes”.

“Çfarë do të ndodhte nëse aeroplanët luftarakë amerikanë do të ngriheshin nga aeroportet e NATO-s, të operuara nga ‘vullnetarë’ të huaj?”.

Ndryshe, presidenti ukrainas Volodymyr Zelensky u është lutur prej kohësh aleatëve të tij perëndimorë që të sigurojnë aeroplanët dhe e ka është ndarë i kënaqur në samitin e G7 gjatë fundjavës.

Por do të duhen muaj që pilotët ukrainas të trajnohen për t’i përdorur ata aeroplanë. /Telegrafi/