Rusët parandaluan ekstradimin e Promes në Holandë, ai akuzohet për kontrabandë kokaine dhe therje me thikë

Futbollisti kontrovers holandez Quincy Promes, i dënuar për trafik droge dhe therje me thikë të një të afërmi, nuk do të ekstradohet në Holandë pas arrestimit në aeroportin e Dubait.

Ish-lojtari i Tëentes, Go Ahead Eagles, Sevillas dhe Ajaxit u ndalua në kontrollin kufitar dhe iu ndalua kthimi në Rusi me shokët e tij të Spartak Moskës.

Promes u arrestua për goditje dhe ikje nga një aksident automobilistik në Emiratet e Bashkuara Arabe dhe mediumi Sport Express raporton se Promes do të shmangë burgun për atë krim dhe në vend të kësaj do të gjobitet.

“Kemi kontrolluar raportet për arrestimin e Promes dhe nga kontakti kemi mësuar se Promes është arrestuar për një krim lokal dhe jo për krimet e kryera në Holandë. Tani për tani nuk do t’i përgjigjemi pyetjes nëse do të kërkojmë apo jo ekstradimin e tij”, kanë thënë nga prokuroria holandeze.

Lexo po ashtu Dy dënime me burg deri në tetë vite për trafikim droge dhe dhunë - Quincy Promes arrestohet në Dubai

Promes po përballet me një dënim me gjashtë vjet burg pasi u zbulua se ai ndihmoi në kontrabandën e 1300 kilogramëve kokainë dhe vitin e kaluar ai u dënua tashmë me dy vjet burg për një sulm me thikë ndaj kushëririt të tij, të kryer në vitin 2020.

Promes do të kthehet në Rusi dhe nuk do t ekstradohet në Holandë. /Telegrafi/