LAJMI I FUNDIT:

“Rruga e Re” Abdixhiku nesër përballet me Faton Bislimin për kreun e LDK-së

“Rruga e Re” Abdixhiku nesër përballet me Faton Bislimin për kreun e LDK-së

Me moton “Rruga e re”, të dielën Lidhja Demokratike e Kosovës do ta mbajë kuvendin e dhjetë.

Kryetari aktual i LDK-së, Lumir Abdixhiku kundërkandidat për drejtimin e partisë do të ketë Faton Bislimin, transmeton Telegrafi.

Faton Bislimi thotë se kandidatura e tij për kryetar të Lidhjes Demokratike të Kosovës është një ofertë për rikthimin e LDK-së te vlerat themeltare dhe idealet kombëtare të ish-presidentit, Ibrahim Rugova.


“Kandidatura ime është një ofertë për LDK-në, është një ofertë për rikthimin e LDK-së tek vlerat themeltare dhe idealet kombëtare të cilat suksesshëm janë trasuar nga presidenti historik Ibrahim Rugova dhe si të tilla i shërbejnë LDK-së për të ruajtur profilizimin e vet djathtistë në Kosovë dhe për të qenë e gatshme për t’u ballafaquar me sfidat e ardhshme zgjedhore në raport me pushtetin e tanishëm…Nuk kam dyshim se LDK-ja do t’i qëndrojë besnike vlerave të saja të demokracisë së brendshme. Statuti është i qartë në çështjen e zgjedhjes së kryetarit të LDK-së. Ju e dini se mandati i kryetarit aktual ka skaduar edhe kryetari i aktual është i gatshëm të rikandidojë dhe një kandidaturë siç është e imja do të duhej të vendoseshin në kutinë e fshehtë siç e përcakton statuti nga 355 delegatët e LDK-së në ditën e Kuvendit zgjedhor”, ka pohuar Bislimi.

Ndërkaq, Abdxhiku para pak ditësh ka publikuar një këngë me videoklip, përmes të cilës thotë se “Rruga e re LDK-së po nis”.

“Në po të njëjtën ditë, në ngjarjen vijuese, thërras anëtarësinë tonë në ngjarjen e madhe të Konventës Programore ‘Rruga e Re’. Le të ketë festë! Le të ringritemi si një”, kishte pohuar ai.

Telegrafi ka provuar të marrë një koment nga zyrtarët e LDK-së, në lidhje me përgatitjet e konventës së dhjetë, por që deri tani nuk ka pasur ndonjë përgjigje.

Kujtojmë se Abdixhiku kishte marrë drejtimin e partisë më 14 mars, 2021.

Abdixhiku në vitin 2021 kishte përballë edhe dy kandidatë tjerë për kryetar të LDK-së, nënkryetarin, Lutfi Haziri dhe anëtarin e kryesisë, Besian Mustafën.

Në garën për kryetar të ri të LDK-së, kandidaturën e kishte shpallur edhe nënkryetari i kësaj partie, Anton Quni, por pak para nisjes së kuvendit, ai ishte tërheq nga gara për kreun e partisë.

Abdixhiku kishte marrë 191 votave të 328 delegatëve të këtij kuvendi, zgjedhja e kryetarit të ri të LDK-së ishte bërë me vota të fshehta. /Telegrafi/

Në trend Lajme

Më shumë
Më të votuarit e LDK-së nga 60 për qind të votave të numëruara

Më të votuarit e LDK-së nga 60 për qind të votave të numëruara

Lajme
Prokuroria Speciale kërkesë gjykatës për të urdhëruar Kurtin të paraqitet për të dëshmuar në prokurori

Prokuroria Speciale kërkesë gjykatës për të urdhëruar Kurtin të paraqitet për të dëshmuar në prokurori

Drejtësi
Kjo është lista e përditësuar me votat e kandidatëve për deputetë të PDK-së

Kjo është lista e përditësuar me votat e kandidatëve për deputetë të PDK-së

Lajme
Kryeziu: Konsullata e Kosovës në Shtutgart bëri skandal pasi organizoi përvjetorin e pavarësisë në qendrën islame

Kryeziu: Konsullata e Kosovës në Shtutgart bëri skandal pasi organizoi përvjetorin e pavarësisë në qendrën islame

Lajme
Prindërit e një shkolle në Prishtinë shtyjnë nxënësit të bojkotojnë mësimin, kërkojnë largimin e nxënëses autike

Prindërit e një shkolle në Prishtinë shtyjnë nxënësit të bojkotojnë mësimin, kërkojnë largimin e nxënëses autike

Arsim
Dëshmitarët tregojnë për punën që e kishin bërë si inxhinierë në kompaninë “Sallahu”

Dëshmitarët tregojnë për punën që e kishin bërë si inxhinierë në kompaninë “Sallahu”

Drejtësi
Kalo në kategori