Rritje e Androidit në tregun e tabletëve

iPad i Apple ende po e dominon bindshëm tregun e tabletëve, por sipas të dhënave nga kompania Strategy Analytics shumë më interesant është posedimi i pajisjeve të bazuara në Android.

Krejtësisht gjatë çerekut të tretë në mbarë botën janë shitur rreth 16.7 milion tablet, prej të cilëve Apple ka shitur 11.1 milion, respektivisht ka bërë për vete 66.6% të tregut, derisa në të njëjtën kohë janë shitur 4.5 milion pajisjet të bazuara në Android, me çka ato kanë bërë për vete 26.9% të tregut. Në tërësi iOS dhe Android kanë pushtuar 93.5% të tregut të tabletëve, e nga mbetja pjesa më e madhe i ka takuar Microsoftit i cili ka në posedim 2.4% të tregut QNX-it të RIM në të cilin bazohen tabletët BlackBerry Playbook posedimi i të cilëve ishte 1.2%.

Edhe pse Android është ende mjaftë prapa iOS-it në fushën e tabletëve, ai ka arritur të bëj një depërtim më serioz në treg. Në të vërtetë, para një viti tabletët e bazuar në Android përbënin 2.3% të tregut. Njëkohësisht posedimi i Apple ka rënë nga 95.5% në 66.6% të tregut, ani pse ka shitur 7 milion tablet më shumë se në periudhën e njëjtë një vit më herët. /Telegrafi/