Rritet numri i të vdekurve dhe të infektuarve me coronavirus në Turqi

Në 24 orët e fundit, 1.549 raste të reja të coronavirusit janë regjistruar në Turqi, shumica që nga mesi i qershorit.

Gjithashtu u raportua se 39 njerëz kanë ndërruar jetë, e cila është më e larta që nga mesi i muajit maj, tha sot Ministri i Shëndetësisë, Fahrettin Koca.

“Vazhdon të rritet numri i pacientëve me gjendje të rëndë”, tha Koca, duke njoftuar masa të reja në disa pjesë të vendit, transmeton Telegrafi.

Qeveria turke ka vendosur që nga dita e hënë të ndalojë organizimin e dasmave dhe ndejave të tjera private në qytetin e Stambollit. Në të njëjtën kohë, fëmijët dhe qytetarët mbi moshën 60 vjeçare nuk lejohen të marrin pjesë në tubime publike.

Në total, Turqia ka bërë shtatë milionë testime gjersa kanë humbur jetën gjashtë mijë persona. /Telegrafi/

Toplamda 7 milyona yakın test yaptık. Bugün aktif hasta sayımıza 546 kişi daha eklendi. Kabyettiğimiz hasta sayımız toplamda 6.000’den fazla. Ağır hasta sayımızda artış devam ediyor. Tedbirlere uymada gevşek olamayız. Güç tedbirde. https://t.co/RVlhe7786O pic.twitter.com/SaboLENtLV

— Dr. Fahrettin Koca (@drfahrettinkoca) August 29, 2020