Rrëmbehet dhe dhunohet 18 vjeçarja në Mitrovicë, policia jep detajet e ngjarjes

Mbrëmjen e 12 gushtit, një 18-vjeçare në Mitrovicë, u rrëmbye nga dy persona, ka deklaruar vetë viktima para zyrtarëve policorë.

Sipas raportit 24-orësh të policisë, 18-vjeçarja ka thënë se dy persona e kanë futur me forcë në një veturë, ia kanë mbyllur gojën dhe sytë.

Ajo ka thënë se për rreth dy orë ka qëndruar në një lokacion, deri më tani të panjohur.

“Viktima femër kosovare ka raportuar se të dyshuar deri më tani të pa njohur, me forcë e kanë futur në një makinë, i kanë mbyllur gojën dhe sytë dhe për një periudhë prej rreth dy orëve e kanë mbajtur në një lokacion deri më tani të pa njohur e më pas e kanë liruar. Gjithashtu sipas viktimës të dyshuarit kanë ushtruar dhunë ndaj viktimës”, thuhet në njoftimin e policisë.

Lexo po ashtu Arrestohen tre persona, rrëmbyen dhe dhunuan një 18-vjeçare në Mitrovicë

“Janë identifikuar dhe arrestuar tre të dyshuar dy prej tyre për rastin e rrëmbimit dhe një për rast të dhunimit nën dyshimin se në muajin mars e ka dhunuar viktimën. Me vendim të prokurorit tre të dyshuarit janë dërguar në mbajtje”, përfundon raporti. /Telegrafi/