Rrëfimi i padëgjuar nga Edin Dzeko: Nëna ime më shpëtoi jetën nga bombat – nuk kisha fëmijëri të zakontë

Edin Dzeko ka rrëfyer vetëm një pjesë nga fëmijëria e tij që e kishte kaluar kur situata në Bosnje ishte e tensionuar.

Tashmë është e ditur se boshnjakët kanë kaluar nëpër një histori të dhimbshme, pasi Serbia kishte tentuar t’i zhdukte si popull.

Gjatë luftës së zhvilluar në Bosnje, Edin Dzeko ishte fëmijë dhe kishte arritur fatmirësisht t’i shpëtonte një bombe, mirëpo jo edhe shokët e tij.

Sulmuesi që luan aktualisht te Roma ka rrëfyer se si nëna e tij i kishte shpëtuar jetën, duke mos e lënë të shkonte me shokë të luante futboll.

“Nëna ime më shpëtoi jetën kur isha fëmijë”, kështu e ka filluar rrëfimin e tij Dzeko për jetën e vështirë që e kishte kur ishte i vogël.

“Ajo nuk më lejoi të shkoja të luaja futboll me shokët në Bosnje. Disa minuta më vonë, një bombë kishte shpërthyer dhe vrau shokët e mi”.

“Nuk kisha një fëmijëri të mirë, për shkak të luftës së zhvilluar në vendin tim, mirëpo kjo më bëri më të fort, më bëri ky që jam sot”, ka shtuar më tej ylli i Giallorossëve.

Dzeko është njëri ndër sulmuesit më të mirë në botë dhe historia e tij e një fëmije të rritur në rrethana të vështira, e kanë mësuar atë që asnjëherë të mos heq dorë nga jeta. /Telegrafi/