Apple TV ka realizuar dokumentarin “Real Madrid: Hasta el final”, ku dalin në dritë momente të papara nga sezoni spektakolar i skuadrës madrilene gjatë sezonit 2021/22.
Në këtë dokumentar shfaqen pjesë për rikthimet e tyre të çmendura në Ligën e Kampionëve, deri në ngritjen e trofeut të 14-të në histori të garës më të madhe për klube në Evropë.
Ndeshja në të tetën e finales kundër PSG-së nisi rrugëtimin triumfues të Real Madridit, ndërsa rikthimi i parë u vendos në Santiago Bernabeu (3-1) pas disfatës në Parc de Princes.
"Kishte shumë kritika që duhej të ndryshonim. Por, pavarësisht se nuk luajtëm mirë dhe ishin më të mirë, kur u largova nga fusha i thashë Carvajal se do t’i shtypim në ndeshjen e kthimit", ka rrëfyer mesfushori, i cili ishte zëvendësuar nga Fede Valverde në minutën e 82-të.
Kroati është një nga protagonistët e dokumentarit dhe nuk ka ngurruar të tregojë disa fjalë që ia ka thënë fillimisht Carvajalit, sapo u zëvendësua dhe që më pas i vazhdoi në dhomën e zhveshjes.
Kështu ishte. Skuadra spanjolle do të përfundonte të rikthehej nga një humbje 0-2 me një hat-trick spektakolar nga Benzema.
Modric ishte spektakolar dhe Real Madridi ka publikuar një video nga ato festime në ndeshjen e dytë. /Telegrafi/
