Rrëfimi emocionues i Naim Abazit: Dënimi me burg, aksidenti i rëndë dhe dyshimi për kancer

Naim Abazi ishte protagonist këtë mbrëmje në “Ky emër nuk ka nevojë për prezantim” në RTV Dukagjini.

Këngëtari dhe prezantuesi zbuloi shumë pathëna për jetën e tij në intervistë me Artan Telakun.

Në kohët e vështira ai ishte detyruar të punonte si shitës për të mbajtur familjen e njëkohësisht për të investuar në karrierën e tij e të Mihrije Brahës.

Për shkak të kostove të larta, Naimi kishte sakrifikuar klipet e shumta me qëllim që ato ti realizonte Mihrija, por sakrifica ka bërë edhe këngëtarja për karrierën në televizion e muzikë të Naimit.

Çifti po ashtu ishte dënuar edhe me burg për kalim ilegal të kufirit, e teksa më të rënda ishin dy momente në jetën e tij.

Pas një koncerti në Maqedoninë e Veriut, teksa ktheheshin për Kosovë, Naim Abazi dhe Mihrije Braha përjetojnë një aksident të rëndë, ku fati ishte në anën e tyre dhe shpëtojnë edhe pse makina ishte shkatërruar e gjitha.

Ndërsa 10 ditë tmerri, Abazi kishte përjetuar kur dyshohej se ishte prekur nga kanceri e madje kishte nisur të lë dhe amanete. /RTVDukagjini/