Ronaldo: PSG skuadër e shkëlqyer, duhet t’i luajmë dy ndeshje të mëdha për t’i eliminuar

Cristiano Ronaldo ka folur rreth ndeshjeve që skuadra e tij Real Madridi do t’i zhvillojë ndaj Paris Saint-Germain në Ligën e Kampionëve.

Real Madridi dhe PSG do të ndeshen mes vete në ndeshjet e 1/16-tës së finales së Ligës së Kampionëve e njohur si faza e eliminimit direkt.

Takimi i parë do të zhvillohet të mërkurën në Santiago Bernabeu dhe padyshim se Real Madridin që shihet si favoritë shkaku i përvojës dhe historisë.

Lexo po ashtu Emery: Jemi gati për Real Madridin

Por, ylli i Mbretërve, Ronaldo e ka cilësuar PSG-në si skuadër të shkëlqyer me lojtarë të shkëlqyer dhe mendon se skuadra e tij duhet t’i luajë dy ndeshje të mëdha për të ecur tutje.

“Ne do të luajmë kundër një skuadre të shkëlqyer me lojtarë të shkëlqyeshëm, të cilët i respektojmë shumë”, ka thënë fillimisht Ronaldo për Goal.

“Por, ne kemi treguar tashmë se Real Madridi ka një grup shumë të fortë dhe të bashkuar, me shumë përvojë në këtë garë”.

Lexo po ashtu Zidane: Duhet të korrigjojmë disa gjëra para ndeshjes me PSG-në, Ronaldos nuk po i mungojnë golat

“Ne e dimë se duhet të jemi shumë të fokusuar dhe të luajmë dy ndeshje shumë të mira për të ecur përpara në Ligën e Kampionëve”, përfundoi ylli portugez.

Ndryshe, ndeshja e kthimit në Parc des Princes zhvillohet tri javë më vonë apo më saktë me 6 mars. /Telegrafi/