Ronaldo në kontakte me PSG-në dhe Unitedin, derisa planifikon largimin nga Juventusi

Përfaqësuesit e Cristiano Ronaldos thuhet se kanë kontaktuar me Manchester United, Paris Saint-Germain dhe Real Madridin mes dyshimeve mbi të ardhmen e tij në Juventus.

Ylli 36-vjeçar ka vetëm një vit në marrëveshjen e tij aktuale të Zonja e Vjetër dhe besohet se do të jetë në bisedime me klubin për një rinovim të mundshëm.

Sidoqoftë, ESPN pretendon se përfaqësuesit e tij janë ende duke biseduar me disa nga klubet më të mira të Evropës, duke përfshirë ish-skuadrat, Unitedin dhe Realin.

Lexo po ashtu Dinastia e PSG-së: Formacioni i ëndrrave që po tenton ta ndërtojë Al Khelaifi me gjashtë transferime

Kapiteni i Portugalisë shënoi 36 gola në 44 ndeshje sezonin e kaluar, por nuk ishte në gjendje të frymëzojë Juventusin në një tjetër titull në Serie A, me lojatrët e Andrea Pirlos që arritën në xhiron e fundit të futeshin në top katër.

Si rezultat, Ronaldo kuptohet se po konsideron të ardhmen e tij në Torino këtë verë dhe për këtë arsye është i interesuar që të kalojë te United, PSG ose Real Madrid.

Përfaqësuesit e tij kane zhvilluar bisedime me Massimiliano Allegrin, i cili është kthyer në krye të3 skuadrës, pas shkarkimit të Pirlos, i cili po planifikon të bëjë një riorganizim të skuadrës.

Një vendim mbi të ardhmen e Ronaldos nuk do të merret deri pas Euro 2020, ku ai do të përpiqet që së bashku me bashkëlojtarët që të mbrojnë titullin, e fituar në Euro 2016.

Lexo po ashtu Renditen top dhjetë sulmuesit më të mirë në histori të Kampionatit Evropian

Sidoqoftë, çdo largim nga Juventusi mund të jetë i vështirë për shkak të pagës së tij me 510,000 funte në javë.

Pandemia COVID-19 ka dëmtuar financat e klubeve në të gjithë globin, që do të thotë se vetëm një grusht skuadra ka të ngjarë të jenë në gjendje ta përballojnë atë pagë. /Telegrafi/