Ronaldo nderon yllin e UFC-së me përshëndetje islame, shkëmbejnë dhurata me Nurmagomedov

Cristiano Ronaldo e ka festuar triumfin mbresëlënës të Real Madridit ndaj Real Sociedadit (5-2) duke u shoqëruar me njërin prej yjeve të njohura të UFC, Khabib Nurmagomedov.

Superylli i Los Blancos, i cili shënoi het-trik në takimin e të shtunës në Santiago Bernabeu, e ka publikuar një fotografi në rrjetet sociale, në të cilën ka pozuar së bashku me aplikuesin e arteve të përziera marciale.

“Më vjen mirë që të shoh vëlla”, shkruan në përshkrimin e fotografisë së publikuar në Instagram, në të cilën dy sportistët shihen duke e mbajtur fanellën me numër 7 të Realit, me emrin ‘Khabib’.

https://www.instagram.com/p/BfDbp5xlugi

Edhe Nurmagomedov i ka publikuar disa imazhe në profilin e tij në Instagram duke treguar rreth shoqërimit me CR7 dhe shkëmbimin e dhuratave që i kanë bërë njëri-tjetrit.

Në ndërkohë, në rrjetet sociale është shpërndarë në masë të madhe një video të cilën e ka publikuar Khabib, në të cilën dëgjohet Ronaldo duke e thënë përshëndetjen myslimane: “Selamu Alejkum”.

https://www.instagram.com/p/BfCdF-jlvEk

Derisa i dhuron një top të nënshkruar mikut të tij, portugezi thotë para kamerës: “Es-Selamu Alejkum” dhe pastaj dëgjohet duke thënë: “Alejkum Selam”. Pjesë e videos është edhe djali i 32-vjeçarit, Cristiano Jr.

https://www.youtube.com/watch?v=2kXrHlSvjfE

Khabib Nurmagomedov është një mysliman sunit i devotshëm dhe natyrisht se Ronaldo e ka respektuar mikun e tij me këtë përshëndetje. /Telegrafi/