Ronaldo fitoi çmimin e lojtarit të vitit dhe ia ‘dhuroi’ Lewandowskit në një veprim spektakolar

Cristiano Ronaldo thuhet se i ka dhënë çmimin e tij Globe Soccer ‘Lojtari i Vitit’ sulmuesit të Bayern Munchen Robert Lewandowski në një gjest të pabesueshëm.

Superylli i Juventusit ishte vendosur të merrte çmimin në Dubai të dielën pasdite pasi një votim i tifozëve e vlerësoi atë si lojtarin më të mirë të vitit 2020.

Por, Tuttosport pretendon se 35-vjeçari dhe agjenti Jorge Mendes vendosën ta refuzojnë atë.

Lexo po ashtu Cristiano Ronaldo shpallet lojtari i shekullit – Lewandowski merr atë të vitit

Arsyeja? Ata menduan se ishte i padrejtë dhe mendojnë se Ronaldo e fitoi atë vetëm bazuar në popullaritetin e tij, me Lewandowskin që ishte fituesi i merituar.

Polaku ka shënuar 55 gola në vitin 2020 dhe ndihmoi Bayernin të fitonte tripletën, i kryesuar nga një triumf i Ligës së Kampionëve në verën e këtij viti.

🇵🇱 Robert Lewandowski is named the Player of the Year for the first time at the #GlobeSoccer Awards 👏 pic.twitter.com/umcqXvpFhY

— beIN SPORTS USA (@beINSPORTSUSA) December 27, 2020

Ronaldo nuk mbeti duarbosh, pasi fitoi çmimin ‘Lojtari i Shekullit’ .

Ai e ndërtoi emrin e tij në disa nga klubet më të mëdha në botë duke përfshirë Manchester Unitedin, Real Madridin dhe aktualisht Juventusin.

35-vjeçari mbajti një fjalim në ceremoni dhe tha: “Për 20 vjet rresht kam luajtur dhe shënuar si profesionist, nuk e dija që kishte një rekord tjetër për të thyer”.

“Është kënaqësi të dëgjoj për rekordet, unë i kam arritur të gjitha këto, por pa shokët e mi të skuadrës, pa një ekip të shkëlqyeshëm, nuk do t’i kisha arritur këto rekorde”.

Lexo po ashtu Pep Guardiola shpallet si trajneri i shekullit – Flick si strategu i vitit

“Është një arritje e jashtëzakonshme. Më jep motivimin për të ecur përpara”.

“Të emërohesh si më i miri është një nder i madh, shpresoj që kjo situatë të ketë mbaruar vitin e ardhshëm dhe të mund të argëtohemi më shumë, faleminderit shumë”.

Lexo po ashtu Real Madridi fiton çmimin si klubi më i mirë i shekullit

“Shpresoj të jem akoma në gjendje të luaj për më shumë vite”, ka shtuar më tej ai

Është edhe një tjetër vlerësim individual për Ronaldon, i cili ka fituar pesë Topa të Artë në karrierën e tij të ndritur. /Telegrafi/