Rog: Ndeshja me Kosovën mund të jetë më ndryshe nga ajo në Shkodër

Kroacia dhe Kosova sonte do të përballen në stadiumin Maksimir të Zagrebit me fillim në ora 20:45.

Mesfushori i Kroacisë, Marko Rog shënoi golin e parë në fanellën e Napolit fundjavën e kaluar, një vit pas transferimit nga Dinamo Zagreb.

I gjendur përballë dy ndeshjeve kualifikuese për Kupën Botërore të vitit 2018 kundër Kosovës dhe Turqisë, ai beson se Kroacia do të triumfojë ndërsa ndaj Kosovës shpreson se mund të ketë mundësi të luajë për disa minuta.

“Besoj që do të luajmë mirë këto dy ndeshje dhe do të shënojmë fitore. Ndeshja me Kosovën mund të jetë ndryshe nga ajo në Shkodër. Loja me Turqinë ka të ngjarë të jetë më e vështirë, por ne po ecim hap pas hapi. Suksesi në Eskishehir mund të na afrojë me Kupën e Botës”, tha Marko Rog.

“Jam i lumtur që jam përsëri me ekipin. Jam i gatshëm, edhe pse konkurrenca në ekip është e madhe. Kemi lojtarë nga klubet më të mira në botë. Ata luajnë në nivele më ta lartë, gjë që është e madhe për Kroacinë”, shtoi futbollisti.

Kroacia, më 6 tetor të vitit të kaluar, mundi Kosovën me rezultat 6-0, ku golashënues ishin Mario Mandzukic (6, 24, 35), Mitrovic (68), Perisic (83) dhe Nikola Kalinic (90 + 2). /Telegrafi/