Rivaldo: Lewandowski do ta mposhtë Messin për çmimin ‘lojtari i vitit’ nëse Bayerni eliminon Barcelonën

Legjenda e Barcelonës, Rivaldo i është përgjigjur pohimit të ikonës gjermane Lothar Matthaus se Robert Lewandowski i Bayern Munich është lojtari më i mirë në botë përpara përplasjes të së premtes në Ligën e Kampionëve, me brazilianin ende të bindur se Lionel Messi e mban atë nder.

Të dy sulmuesit janë kërcënimi kryesor për skuadrat përkatëse dhe do të përpiqen të bëjnë pjesën e tyre për të vulosur një vend në gjysmëfinale pas përballjes së madhe evropiane në Lisbonë.

Ndërsa Rivaldo beson se Messi nuk ka kolegë kur bëhet fjalë për cilësinë e qëndrueshmërisë së karrierës, ai pranon që forma aktuale e Lewandowski mund ta shohë atë të zgjidhet ‘lojtari sezonit’ nëse Bayerni eliminon Barcelonën.

Lexo po ashtu Matthaus: Lewandowski është lojtari më i mirë në botë, jo Messi

“Legjenda gjermane Lothar Matthaus ka thënë se Messi do të përballet me pasardhësin e tij si lojtarin më të mirë në botë – Robert Lewandowski”, ka thënë fillimisht Rivaldo për Betfair.

“Lewandowski është në një formë të jashtëzakonshme dhe është i vendosur mirë për të qenë lojtari më i mirë i botës në vitin 2020, por ai ende duhet të mposht lojtarin aktual më të mirë. Do të jetë interesante të shihni se si dy lojtarët luajnë të premten”.

Lexo po ashtu Thomas Muller: Lewandowski është më i mirë se Messi

“Siç e dimë, Messi ka tendencë të shfaqet në ndeshje të mëdha, duke e ngritur lojën e tij kur të jetë e nevojshme. Lewandowski ka shënuar më shumë se 50 gola këtë sezon dhe do të jetë i etur për të arritur në gjysmëfinale”.

“Kushdo që kalon raundin tjetër nga këto dy yje mund ta quajë veten më të mirin në botë në vitin 2020”, përfundoi braziliani. /Telegrafi/

Meriton Lewandowksi të jetë ‘Lojtari i vitit’ para Messit?: Na tregoni më poshtë në hapësirën për komente