Më 16 gusht, DJ dhe producenti Ahmet Kilic do të performojë në Parkun e Qytetit të Mitrovicës në kuadër të edicionit të 15-të të Green Fest.
I njohur për stilin e tij minimalist dhe setet e kuruara me përpikëri, Kilic pritet të sjellë një mbrëmje me fokus në muzikën house dhe elektronike, e krijuar për një publik që kërkon energji dhe ritëm.
Ahmeti ka ndërtuar profilin e tij përmes prezencës së vazhdueshme në skenat vendore dhe rajonale, duke u identifikuar me një qasje të matur artistike që thekson atmosferën mbi shfaqjen. Muzika e tij karakterizohet nga tekstura të pastra dhe kalime të qeta, që synojnë krijimin e një rrjedhe të pandërprerë dhe lidhjeje me publikun.
Green Fest 2025 ofron një platformë të hapur për artistë të stileve të ndryshme dhe sjellje të reja kulturore.
Pjesëmarrja e Ahmet Kiliqit i shton programit të festivalit një dimension elektronik dhe modern, duke e kompletuar mozaikun muzikor të kësaj ngjarjeje.
Biletat për koncertin i gjeni në: https://rave-travel.com
