Rita Ora duket elegante dhe tërheqëse me gjerdanin e 55 mijë dollarëve në prapaskenën e “The Voice Australia”

Rita Ora i ka ngacmuar ndjekësit e saj me një seri fotografish nga prapaskenat e xhirimeve të spektaklit “The Voice Australia”.

Ylli shqiptaro-britanik i muzikës pop, 30 vjeçe, ndau disa fotografi me ndjekësit e saj në Instagram të hënën duke pozuar në shkallët e prapaskenës, e veshur me një mini fustan të zi, shkruan DailyMail.

Ajo u ul në mënyrë joshëse në shkallën e sipërme ndërsa i drejtoi këmbët e saj të gjata dhe nga kamera.

Artistja shqiptare kishte vënë për aksesorë një gjerdan ari të markës ‘Cartier’ në vlerë 55,000 dollarë (46,500 euro), taka të zeza me majë dhe një palë dorashka që përputheshin me veshjen e saj.

Lexo po ashtu Rita Ora shfaq fizikun e saj në fustan transparent, ndërsa duket mahnitëse në çerekfinalen e "The Voice Australia"

Për grimin, Rita zgjodhi buzëkuq të kuq të ndezur dhe rimel të errët, ndërsa flokët e saj bionde ishin lënë në valë të lirshme.

Rita gjithashtu ndau me fansat dy fotografi të saj në një dhomë me dritë të errët në xhirimet e “The Voice Australia”.

Këto imazhe siguruan një vështrim më të afërt të veshjes së saj të çuditshme jashtë shpatullave, e cila ishte dizajnuar nga marka e famshme australiane “Daisy” dhe shitet për 370 dollarë (313 euro).

“Një zile prapa skenave të The Voice Australia”, shkroi Rita Ora në mbishkrimin e fotografive, duke shtuar: “Gjysmëfinalja dhe finalja kanë mbetur!”.

Katër artistë do të konkurrojnë në gjysmëfinale: G-Nat! On, Sian Fuller, Ella Monnery dhe Mick Harrington.

Postimi i saj vjen pak kohë pasi Rita zyrtarizoi lidhjen me të dashurin Taika Waititi, duke publikuar në Instagram disa fotografi nga ditëlindja e tij e 46-të.

Çifti, i cili filloi takimin në mars pas njohjes së tyre në Australi, thuhet se po lëvizin aq shpejt në lidhjen e tyre saqë kanë filluar të diskutojnë martesën.

“Taika e quan Ritën ‘grua’ gjatë gjithë kohës dhe bisedon se si do të jetë burri i saj i parë dhe i fundit”, tha një burim për New Idea javën e kaluar.

“Të gjithë rreth tyre e nënvlerësojnë atë si tallje flirtuese, por [Rita] shpreson se ai është i vërteti”, tha burimi, duke shtuar se Rita është “e fiksuar” me regjisorin e Zelandës së Re.

Thuhet se ajo ka filluar të bëjë shaka për t’u martuar në një ceremoni kaliforniane ‘të shpejtë, me hipi-dippy’, dhe më pas të festojë me një festë më të madhe në një datë të mëvonshme. /Telegrafi/