Rap - artistja nga Istogu, Rina Balaj, është njëra nga artistet më të pëlqyera në tregun tonë muzikor.
Ajo tash e një kohë është duke punuar në projektet e reja, ku një njërën prej tyre vjen në bashkëpunim me divën e muzikës shqiptare, Adelina Ismajlin.
Rina së fundmi përmes një fotografie të publikuar në Instagram, ka njoftuar fansat se nesër nis xhirimet e dy këngëve të reja. "Për fansat e mi, nesër filloj xhirimet e dy këngëve", ka shkruar ajo.
Rina Balaj (Foto: Instagram/balajrina)
Bukuroshja ka pak kohë që është pjesë e estradës por që deri më tani ka mbledhur një numër të madh të fansave.
"Ilegal" titullohet kënga e fundit që ka publikuar Balaj në janar të këtij viti, projekt ky i ndarë në dy pjesë.
Kjo këngë ka kaluar mbi nëntë milionë shikime në kanalin zyrtar, YouTube dhe ky nuk ka dyshim se është një sukses i madh i artistes shqiptare. /Telegrafi/
