Rilindje me Besë: Na shqetësojnë emërimet e ushtarakëve në Maqedoni

Lëvizja Besa si pjesë e koalicionit Rilindje me Besë ka reaguar në lidhje me emërimet që Gjorgje Ivanov i ka bërë dje në Armatën e Maqedonisë, shkruan Telegrafi Maqedoni.

”Avancimet e eprorëve ushtarakë, të cilët ishin vetëm maqedonas, ndodhi më 28 nëntor. Zgjedhja e kësaj date për të anashkaluar eprorët shqiptar, ka simbolin e vetë dhe paraqet fyerje të dyfishtë për eprorët shqiptarë për të cilët dje ishte festë e madhe.
Jemi të habitur nga indeferenca e BDI-së ndaj kësaj sjellje të Ivanovit, me çka ushtria, njëjtë si diplomacia po pastrohet nga kuadrot shqiptare. Vetëm me BDI-në në pushtet, Ivanovi mund të tallet në këtë mënyrë dhetë nënçmojë kuadrot shqiptare.” shkruan mes tjerash ky koalicion.

”Duke përkrahur masovikisht Ridefinimin, shqiptarët do të votojnë për një Maqedoni ku jo vetëm presidenti, po i tërë shteti do të funksionojë me konsensus. Deri atëherë kërkojmë nga të gjitha institucionet të përmbahen nga sjellja e vendimeve të dëmshme për shqiptarët. I paralajmërojmë seriozisht se pas ardhjes në pushtet të Rilindjes me Besë, udhëheqësit e institucioneve që eventualisht do të dëmtojnë shqptarët gjatë kësaj periudhe, do të përgjigjen edhe penalisht.” premtojnë nga ky koalicion./Telegrafi/

Lexo po ashtu Ky gjeneral do ta përfaqësoj Maqedoninë në NATO (Foto)