Rezervistët izraelitë të nervozuar: Derisa jemi në vijën e parë të frontit, djali i kryeministrit po qëndron në SHBA

Ushtarët izraelitë që dolën vullnetarë për t’iu bashkuar luftës kundër Hamasit, kanë dënuar veprimet e djalit të kryeministrit Benjamin Netanyahu për qëndrimin në Shtetet e Bashkuara dhe “braktisjen” e vendit të tij.

Qindra izraelitë janë kthyer në shtëpi pasi ushtria rekrutoi më shumë se 300 mijë rezervistë, për të luftuar në mobilizimin më të madh në historinë e vendit, transmeton Telegrafi.

Djali i madh i Binyamin Netanyahut, Yair, u zhvendos në Florida në fillim të këtij viti dhe mbetet atje. Në moshën 32-vjeçare plotëson kushtet për detyrë rezervë, e cila përfundon në moshën 40-vjeçare.

❌Israeli Soldiers Blast Benjamin Netanyahu’s Son for “Abandoning Them” as Bibi’s Reservist Boy Decides to Stay in Miami

Israeli reservist soldier Yair Netanyahu, 32, has been in Florida since at least April, after his father told him to stop making inflammatory posts on social… pic.twitter.com/KumWTqX3Mn

— Dēmiurgòs (@DemiurgosCaen) October 24, 2023

“Yair po shijon jetën e tij në Miami Beach ndërsa unë jam në vijën e parë”, tha një ushtar që kërkoi të mbetet anonim për arsye sigurie.

Lexo po ashtu Izraeli refuzon armëpushimin: Çfarë duhet të bëjmë kur dikush vret foshnja e përdhunon gra

Një vullnetar në frontin verior të Izraelit, i cili është nën zjarr në rritje të përditshme nga Hezbollahu i mbështetur nga Irani në Libanin jugor, tha për The Times se kjo po shkakton mosbesim dhe zemërim te rezervistët.

“Ne jemi ata që i lëmë punët, familjet, fëmijët tanë, për të mbrojtur familjet tona në shtëpi dhe atdhe. Vëllezërit, baballarët, djemtë tanë, të gjithë shkojnë në front, por Yair ende nuk është këtu, nuk ndihmon në ndërtimin e besimit te lidershipi i vendit”, tha ai.

Edhe pse kurrë nuk ishte ushtar, Yair kreu shërbimin e detyrueshëm ushtarak dhe punoi në njësinë e zëdhënësve të Forcave të Mbrojtjes të Izraelit (IDF).

View this post on Instagram

A post shared by Yair Netanyahu – יאיר נתניהו (@yair_netanyahu)

Yair u zhvendos në Shtetet e Bashkuara pas polemikave rreth aktiviteteve të tij në mediat sociale. Djali i kryeministrit shkaktoi një protestë publike pasi i quajti “terroristë” qindra mijëra izraelitë, që protestonin kundër reformave të qeverisë në drejtësi dhe akuzoi Shtetet e Bashkuara për financimin e trazirave.

“Jam kthyer nga SHBA, ku kam një punë, jetë, familjen time”, tha një tjetër rezervist, i cili gjithashtu foli në kushte anonimiteti dhe po përgatitet të vendoset në frontin jugor.

“Nuk mund të qëndroj atje dhe të braktis vendin, popullin tim, në këtë moment kritik. Ku është djali i kryeministrit? Pse nuk është në Izrael? Ky është momenti më bashkues për ne si izraelitë në historinë e fundit dhe secili prej nesh duhet të jetë këtu tani, përfshirë edhe djalin e kryeministrit”, tha ai. /Telegrafi/