Rezarta Shkurta me dedikim të veçantë për rastin e ditëlindjes së bashkëshortit

Këngëtarja Rezarta Shkurta ka kohë që nuk është parë me ndonjë projekt muzikor.

Ani pse nuk është aktive në këtë fushë, postimet e saj në rrjete sociale nuk ndalen, pasi poston në mënyrë të vazhdueshme imazhe nga përditshmëria.

Ditën e sotme (e hënë) përmes një postimi në rrjetin social Instagram, ajo ka bërë një dedikim të veçantë me rastin e ditëlindjes së bashkëshortit të saj.

https://www.instagram.com/p/B77_UouJim7/

“Kur u njohëm, të dy shumë të rinj numëronim çdo vit ditëlindjet e njëri-tjetrit. Sot numërojmë se sa shumë ëndrra kemi realizuar së bashku. Uroj të plakemi bashkë e të numërojmë ëndrrat e nipërve dhe mbesave tanë”.

“Gëzuar ditëlindjen dashuria ime e madhe. Me ty pranë, jam gruaja më e lumtur në botë”, ka shkruar ajo në mbishkrimin e fotografisë.

Imazhi i ndarë duket se është shkrepur në një event ku dyshja kanë marrë pjesë, pasi që të dy shihen në veshje elegante me ngjyrë të zezë.

Ndonëse nuk ka prurje të reja në industrinë muzikore, Rezarta po shijon sukses të madh përmes biznesit të saj “Hera Company”, të cilën e ka hapur edhe në Prishtinë. /Telegrafi/