Revyja e Hermèsit sapo ka konfirmuar trendin më të madh të viti: Zbuloni pjesë të reja që frymojnë luks të qetë

Ngjyra fuchsia është rikthyer, por edhe shumë pjesë të tjera të papritura

Koleksioni pranverë-verë 2025 u karakterizua nga copa rrjete transparente, nga kompletet e pantallonave deri te fundet dhe tunikat, të shtresuara me mjeshtëri në një nuancë për një pamje monokromatike.

Nuk ra në sy vetëm prania e pjesëve transparente të modës, por edhe stilizimi mjeshtëror që jepte një atmosferë të sofistikuar.

Xhaketat prej lëkure neutrale, rripat e ngushtë dhe çantat klasike i sollën një notë të fortë këtyre pantallonave dhe këmishëve transparente, duke krijuar një balancë mes elementeve të lehta dhe më intensive.

View this post on Instagram

A post shared by Hermès (@hermes)

Ndër pjesët e tjera kyç, ndër ngjyrat e ngrohta neutrale të koleksionit veçojmë sandalet me taban prej druri, çizmet elegante kauboj dhe një nuancë freskuese fuchsia, transmeton Telegrafi.

Zbuloni më poshtë tri tendencat kryesore për vitin 2025.

Dominimi i transparentes

Edhe pse materialet transparente nuk janë asgjë e re (Saint Laurent i shpalli të gjitha), këto pjesë vërshuan pistat muajin e kaluar. Me një mbështetje të konsiderueshme nga Hermès, u bë e qartë: tyli dhe transparenca do të jenë tendenca më e madhe e 2025-ës.

Rripa të hollë

Shtresimi dhe tonet ishin dy elementet kryesore të stilit të këtij koleksioni, të arritura përmes përdorimit të rripave të hollë rreth belit. Rripat Hermès janë tashmë të preferuarat e klientëve dhe prezantimi i këtij modeli të ri me kopsa metalike elegante me siguri do të shkaktojë bujë në pranverë, kur ato bëhen të disponueshme.

Një prekje fuchsia

Në përgjithësi, paleta e ngjyrave të këtij koleksioni u përcaktua nga tonet e ngrohta të nuancave kamel, bezhë dhe burgundy, por në mes të shfaqjes u shfaq një fuchsia e gjallë. Pesë modele e mbanin këtë ngjyrë intensive, dhe megjithëse ishte shumë e ngopur, ndryshe nga nuancat e vogla rozë të parë në shfaqjet në Nju Jork dhe Milano, ishte një tjetër shenjë se roza mund të zëvendësojë të kuqen si ngjyra e preferuar e modës sezonin e ardhshëm.

Dhe së fundi – si mund t’i anashkalojmë modelet e reja të çantave? Modelet Birkin dhe Kelly kishin një vend të spikatur në pistë dhe Hermès prezantoi 11 silueta të reja çantash për pranverë/verë, duke përfshirë çanta elegante, çanta klasike dhe shporta të endura.

/Telegrafi/